Euliko lyoonguwo dhaMc Bright Kavari lyeende nawa moEthiopia

0
215

Windhoek

Osha li natango onkatu ombwaanawa komukondi nomuhondji gwoonguwo dho Classica Fashion Namibia, Mc Bright Kavari, ngoka ali u ulike oonguwo dhe mo Adis Abeba, shaEthiopia ehulilo shiwike lyapiti.

Kakele ashike keuliko lyoonguwo dhe, Mc Bright ngoka oye ali omuNamibia oye awike ahiwa koshiindingili shika okwa li ishewe a sindana ongo oye omuhondji dhingi aza moAfrica, sho a li a ulike oonguwo dhe dha adha lwopo 20 ko African Fashion Reception.

“Moku galuka kwe, Mc Bright okwa ti nonando shika ka kwali shafa ethigathano kuye, iilonga ye yokoonyala oyali ya mono ompito oku tangwa pondje yoshilongo, noku wete kutya ndjika onkatu onene a katuka , nokwa hala oku kala noku ulika uunongo we mpaka naampeyaka,” ta ti ngaaka.

Okwa gwedha po ishewe ta ti ndjika oyo yali ompito ombwaanawa kaa kondi yiizalomwa yaza menenevi lya Africa, sho ya li ya tsu kumwe, pamwe naamboka yaza kiilongo yokokule opo ya ninge elundululo yo yatale nkene yena oku humitha komeho ehangano lyoku ninga iizalomwa.

Oshituthi shika oshali sha longekidhwa ko African Union Commission naMcBright okwa li a kwatathana naahondji okuza kiilongo 30 muuyuni, moka ye a li u ulike oonguwo dhoshimati nodhaakadhona, dhina olupe luushitwe wo shiNamibia.

Elalakano lyeuliko lyiizalomwa mbika okuza kaahondji yayoolokathana oku tunga uukumwe, noku enditha nawa oongeshefa kaahondji ya yoolokathana.

Ngashingeyi Mc Bright natango otaka ulika oonguwo dhe mOlyomakaya, ndhoka a li a ulike nale ko Adis Abeba, keuliko lyoonguwo dhe yemwene ndyoka tali ka kala koProtea Hotel Thüringerhof mepandaanda lyEmanguluko moVenduka.

Okwa ti okwa ithana ishewe omuendi dhingi, Pius Okaba, ngoka ta ka dheula uukadhona mboka tau ka enda pethimbo lyeuliko lyoonguwo dhe.

 

mc-bright4 mc-bright-2

 

LEAVE A REPLY

Please enter your comment!
Please enter your name here