Nakutsa omukiintu gwe nombele iidhipagele mondholongo

0
341

 

ONDANGWA – Opolisi moshitopolwa shaShana otayi konakona oshiningwanima shomulumentu gwomimvo 32, ngoka iidhipagele  mondholongo yaNdangwa Etiyali lyoshiwike shika.

Omunambelewa gopolisi koshikondo shomauyelele Frieda Shikole ngoka a koleke ehokololo ndika, okwa tseyitha kutya omulumentu ngoka edhina lye itaali vulu okutumbulwa manga oshoka aapambele ye kaya li ya tseyithilwa, okwa li a mangwapo Osoondaha ya piti konima sho a fekelwa a tsu omukiintu gwe noombele iikando oyindji.

Omulumentu nguka okwi idhipaga moku imangeleka nepaya manga a adhika a tegelelwa a falwe kompangu yaMangestrata ongula yEtiyali lyoshiwike shika.

Omukiintu goomvula 26 ngoka a tsuwa noombele iikando oyindji okuli moombete moshipangelo shaNandjokwe ta ti po hwepo.

Oshiningwanima shika oshali sha ningilwa kolukanda lwaMashaka mondoolopa yaNdangwa.

Omushiinda ngoka a tindi okutumbulwa edhina lye okwa yelitha kutya pamahokololo ota ku ti omulumentu ngoka okwa li eya mondunda yomukadhona gwe, nokwa adha dhimwe dhomookondoma ndhoka a thigilemo dha kolota, naashika osho she eta oondjuma pokati kaambaka yaali shoka she etelele sigo a tokola a kuthe ombele nokutsa omukiinti ngoka.

Ta gwedhapo kutya oyali ya matukile pehala mpoka, sho ya uvu aantu yafa taya nyenyeta naasho ya thiki pehala mpoka oya adha omukiintu ngoka a tsuwa nale noombele, mboka ya uvu sho taya nyenyeta omulumentu okwali uvu nayi oshoka anuwa opo owala a zimo mondunda yomukadhona ngoka esiku lya piti, naasho a ka galuka esiku lyaka landula okwa adha ngaaka ookoondoma dhaamo ngaashi edhi thigilemo.

Omukiintu ngono anuwa nonande omulumentu a kala temu pula a popye mpoka ookondoma edhi fala, okwa tindi sho osho she eta oondjuma ndhika dhi hulile moku tsuwa nombele ngaaka.

Omukiintu ngoka okwa tsuwa anuwa nombele iikando 14, iikando itano montulo, itano kombunda itatu kokwaako kokolumoho nashimwe metundji lyokolumoho.

 

 

LEAVE A REPLY

Please enter your comment!
Please enter your name here