Namibian Women Networking Club ya egululwa mOutapi

0
189

 

OUTAPI-Aakiintu yomoshitopolwa shaMusati oya li yi iyunganeke noku tota po ehangano lyaakiintu moshitopolwa shoka ndyoka tali hwahwameke oomeme opo ya ka le taya vulu okwi ilongela sha kuyo yene.

Oshiindingili shepatululo osha li sha ningilwa pomatungo gOnawa mOutapi Olyomakaya gaziko.

Nando opo ashike lya egululwa ngaaka pambelewa, ehangano lyo lyene olya li lya totwapo omumvo gwaziko no tali wilikwa kaakiintu yiiyunganeka opo ya kondjithe oluhepo mokati kawo moshilongo shetu.

Laimi Iiyambo gumwe gwomaatoti yehangano ndika okwa ti iilalakanenwa yalyo oyo oku longa aakiintu opo ya kale yi ithikamena po yo yene, okuya uvitha ko nkene yena okutotapo oongeshefa, noku ya kwathela moku kandulapo omashongo ge ya taalela moshigwana moka mwakwatelwa omahepeko gaana ohenda taga ningilwa oomeme naanona.

Gisera Shitalenti omunangeshefa omushona okwa li a popitha engungo lyaakiintu pOnawa moka a li eya kumike opo ya adhe iilalakanenwa yawo ta ti ethimbo olya thika opo yo ya zeko konima yesiga hoka ya kala yeli ethimbo ele.

Engathithi ndika olya li lya popithwa wo kokakadhona Petrina Mathews hoka taka ilongo koshiputudhilo shoNUST, ko ha ka ohaka  longo noku hambula iilanda mbyoka ha ka landitha opo ka mone oshikwiila.

Petrina okwa li a tsu omukumo oomeme opo yi imange kumwe moku taalela omashongo ge ya kundukidha muukumwe.

Ehangano ndika olina enenedhiladhilo opo li kwathele aakiintu oyendji moNamibia opo ya adhe omalalakano gawo.

Okwa ti ehangano ndika kali shi lyokuninga oshimaliwa nopethimbo ndika olya taalelwa keshongo lyoshimaliwa onkene oyi inekela pamwe ota ya mono ngaa aasihenda mboka taya vulu okuya yambidhidha opo ya vule oku adha omalalakano gawo.

LEAVE A REPLY

Please enter your comment!
Please enter your name here