Oalubuma ontitano yaLt Shitana ya piti

0
425

 

Windhoek

Omuimbi gwoondjimbo tadhi tungu, Frederick Shitana, a tseyika nawa nedhina Lt Shitana, osho a pititha oalubuma ye ontitano yedhina Konima Yonguto Ihakuhodamwa.

Oalubuma ndjika otayi ka tseyithwa po Dubai Lounge moKatutura Olyomakaya ndjika. Shitana okwa ti omusholondondo gwoongalo dhe ogo gumwe guna omaimbilo taga tungu, noalubuma otayi popi ashike kombinga yiiningwanima ayihe mbyoka tayi ningwa moshilongo ngaashi omahepeko, uukengeleli nomadhipago.

“Oalubuma ndjika otayi gandja ashike omayele noku ganda aantu opo ya lundulule yo yi itedhulule ya landule ondjila yu ukilila niinima mbyoka yi li mondjila,” Lt Shitana ta ti.

Okwa gwedha po ta ti, oalubuma ndjika oye mu kutha oomwedhi omugoyi oku yi etapo, oshoka okwa li teyi ningi nuudhiginini opo yi kale ombwaanawa lela no tayi vulu oku mu sindanitha ekopi.

Oalubuma oyi na omifango dhoongalo dho Soukous/Kwasa, Gospel, Kwaito noDancehall. Lt Shitana okwa kwathelwa oku imba kaahikingalo ngaashi  Promise, Maj Beatz, Satlam naTrace Lee, no alubuma oya dhindwa ku Glo, Young T, Vlo, Flame, Maj Beatz na Agusto Epuka.

Moalubuma ota mu adhika oongalo ndhoka oombwaanawa ngaashi Okatongo, moka a imba naPromise. Ongalo onkwawo ongaashi Momayeleko, nEpangelo, moka ta kwathelwa kuExit.

“Ondiwete kutya onda longa noonkondo no nuudhiginini, oshoka kehe ethimbo tandi pititha oalubuma ohayi kala yi vule onkwawo, naashika otashi ulike kutya oshitalenti sha ndje otashi pula komeho,” Lt Shitana ta ti ngaaka.

Petseyitho lyoalubuma ye ota pu ka kala aahikingalo ngaashi Satlam, Kamati, Yashe Tati Pii mboka taya ka mwenyeka. Uutekete owuna N$ 40 nomiyelo otadhi patuluka poHetatu.

 

 

 

LEAVE A REPLY

Please enter your comment!
Please enter your name here