Ombepo yuunangeshefa momayakulo gopashimaliwa oyili peni

0
189

 

Otashi ende tashi ningi oshinima sha pumba okudhimbulula ombepo yuunangeshefa momayakulo gopashimaliwa.

Oombanga odha pumbwa oku lundulula omilandu noopulana ndhoka hadhi longitha momayakulo goongeshefa opo dhi tse kumwe noompango, dho tadhi tala wo oompumbwe dha ayehe no dhaa mboka wo ye na mo oshitopolwa unene sho ndhika hashi vulika dhi kale inaa dhi faathana.

Mo Capricorn Group, omakwatathano oga kala aluhe ga simana mongeshefa yetu.

Otu na omukumo kutya otatu tsikile noku eta po ongushu momayakulo getu, nonando pu kale pu na omaudhigu ogendji momudhingoloko moka hatu longele.

Otatu vulu wo okukaleka po ombepo yuunangeshefa sho tatu topola uunongo naamboka ye na mo oshitopolwa mongeshefa yetu, mboka haya longitha omayambidhidho nomalongo getu okutota po oongeshefa oompe nokuhumitha Namibia komeho.

Ethano lyokomeho lyoCapricorn Group okukala omukwatakanithi omwiinekelwa gomalunduluko omawanawa tashi pitile melyenge lyaantu nomakwatathano galwe ngoka taga vulu okweeta po oompito dhi yambidhidhwe pashimaliwa, dho dhi kwashilipalekwe, kehe mpoka tatu longele.

Molwashoka uukwatya wetu owa kwatathana nonkalonawa yoshilongo shetu, natse otu na wo oshinakugwanithwa shokweeta po omalunduluko omawanawa, ano tu ete po onkalo yuuthikepamwe, einkondopaleko nuuyamba.

Namibia okwa kala ponkatu ombwanawa oomvula dha piti, sho a ende moonkalo oondhigu dheliko shi vulithe piilongo yilwe, naashika osha etithwa po unene tuu kelongo nawa lyiikondo yokutunga noyomapashiyono.

Omupya munene, oonkondo ndhika dheliko inadhi kuthwa ko ngaashi dha li dhi na okukuthwa ko nonkalo yokwaatakamitha nawa eliko oya tula eliko lyepangelo mothina.

Shika kumwe nomaudhigu galwe geliko nonkalo ngaashi oluhepo nuuhathikepamwe osha nika oshiponga na otashi ka etitha epangelo li kondjithe omaudhigu gethimbo ele nomayamukulo gethimbo ehupi.

Omayamukulo ngaka olwindji ohaga kala ge na iizemo yaa shi iiwanawa nenge hayo ya li ya halika.

Aashiinda ayehe yaNamibia konyala otaya monithwa iihuna komaudhigu ge na sha nomaliko giilongo yawo, sha etithwa koondando dhi li pombanda nokoshikukuta itaa shi hulu.

Uumbangi womaudhigu gomahupilo owi iwetikile meshuno pevi lyongushu yiimaliwa, shoka sha humithwa pombanda kiimaliwa oyindji tayi piti mo notayi tula mothina oofuto ndhoka dhi na okuningwa.

Omukalo goCapricorn Group kombinga yekalekepo ogwa ikwatelela komutalelo ngoka gwa kwatela mo omaiuvo gaayehe mboka ye na ombinga moCapricorn Group.

Shika otashi etitha opo pu tungwe ekota lyehangano ndyoka tali ka yambidhidha oCapricorn Group monakuyiwa.

Otwa pulakena kookastoma dhetu notwa mono euveko lyiinima mbyoka twa pumbwa okulundulula momayakulo getu nosho wo momikalo ndhoka ookastoma dhetu dha pumbwa tu dhi yakule.

Otwa pulakena kaaniilonga yetu opo tu uve ko shoka ya pumbwa opo ya longe nawa.

Otwa tala wo nokunongela shoka tashi longo nawa momahangano galwe nomiitopolwa yimwe muuyuni.

Uunongo mbuka owe tu kwathela mokutula po omukanka gwa kola ngoka tagu ke tu kwathela tu adhe omalalakano getu, tse tu kaleke po ehangano ndyoka tali vulu okulonga nokugandja omayakulo pethimbo lyomalunduluko ogendji.

Omakwatathano naamboka ye na mo ombinga mo Capricorn Group

Okukwashilipaleka uuwanawa wa ayehe haya longo  noCapricorn Group, otashi ti kutya aluhe otatu tsikile nokukala tu na sha nongushu yaashoka oCapricorn Group tayi eta po koohandimwe nokoongundu ndhoka dhi na ohokwe mehangano, na ha kwaamboka ashike ye na mo ombinga mongeshefa.

Mo 2015, oCapricorn Group oya tameke po oproyeka yewiliko pokati kekwatathano lyewiliko naamboka ye na mo ombinga mongeshefa, newiliko ndika olya holola shoka sha tegelelwa kwaamboka haya longo nehangano.

Iinima mbyoka ya tothwa mo onga oyo ya tegelelwa, oya ka kwatelwa mo mokutota po omilandu ndhoka tadhi ka longithwa mewiliko lyekwatathano lyaamboka ye na ombinga moCapricorn Group.

Ewiliko lyekwatathano ndika olya simana oshoka otali tu kwathele tu mone mo oompumbwe dhaamboka ye na ombinga mehangano noku ya pa omayakulo taga opalele.

Shika osha simana mokukaleka po eindjipalo niizemo iiwanawa yoCapricorn Group.

Epangelo naamboka haya tonatele omilandu oye li yamwe yomwaamboka tatu longo pamwe nayo moCapricorn Group.

Molwashoka oshipambu oshinene shoCapricorn Group oshaNamibia, otse aluhe haya pula tango uuna ya pumbwa omayakulo nomayambidhidho, oshoka natse otu na omalalakano ga faathana nogawo, ano gokuhumitha Namibia komeho.

Shika olwindji otashi ti shoka sha tegelelwa shi ningwe koCapricorn Group oshindji shi vulithe omahangano galwe gopondje, unene ngaa miinima ya simana ngaashi okugandja uunongo.

Ekwatathano limwe natango lya simana olyo ndyoka tu na nomahangano ngoka haga longele pamwe natse, Santam naSanlam.

Otatu tula omuthindo munkene tatu vulu okuyakula nawa ookastoma dhetu noku eta po wo oompito dhilwe dhoku ya landitha omayakulo, tatu shi ningi pamaiyutho koompango nomilandu ndhoka dhi li po nale.

Otwa dhimbulula wo kutya omukalo gobancassurance ogo gumwe gomomikalo ndhoka tatu vulu okwi indjipaleka tu ete po omayakulo omape ngoka taga ka tsa kumwe nawa nomayakulo gokukokeka eliko ngoka Capricorn Group e na nale.

 

LEAVE A REPLY

Please enter your comment!
Please enter your name here