Oosipana dholiha yoNPL nadhi ilongekidhe nawa   

0
154

 

ONGWEDIVA-Oosipana ndhoka ta dhi kutha ombinga moliha yopombanda moshilongo odha tegelelwa dhi ka gwanithe po iipumbiwa ayihe mbyoka ya tothwamo momusindalandu gwoku shangitha ooklaba momumvo gwetanga 2017-2018.

Omunashipundi sho NPL John Doeseb okwa li a takele oosipana ndhika omunwe, a ti na dhi longe nuudhiginini dhi kale dha gwanithapo iipumbiwa ayihe mbyoka ta yi pulwa komusindalandu gwoku shangitha ooklaba.

Club licensing ogo omukalo goku gandja ombapila yeziminino kutya okalaba oya gwanithapo iipumbiwa ayihe tayi pumbiwa ngaashi okalaba kehe oya pumbwa yi kale yi na omayalulilo gombaanga kuna omwaalu gwontumba gwoshimaliwa.

Okalaba oya pumbwa yi kale yi na ehala limwe mpoka hayi idheulile , oya pumbwa yi kale yi na Omundohotola a pyokoka na oyi na ondjukithi yaampoka ha yi yambuka.

Doeseb ota ti mbika oyimwe ashike yomomilandu ndhoka oosipana dhina oku landula.

Oclub licensing otayi ka longithwa opo ku shonopekwe omwaalu gwoosipana okuza koosipana 16 okuya koosipana 12 moliha yopombanda.

Okwa ti okakamule koclub licensing otaka ka guma kehe gumwe onkene kutya nee ongoye to ka sindana po oliha nuumvo, ndele kuna iinima ya gwana po nena ito ka mona ompito yokudhana.

Doeseb okwa li a gandja uusama koosipana molwa uupale kaa wu na aatali ta ti shika osho shimwe ta shi kutha uudhano wetu ongushu, ta ti okapale kaakena aatali okafa uusiku waa na omwedhi.

Okwa ti ka shishi oshinakugwanithwa sha NPL oku hiya aatali kuupale ashike oshi li oshinakugwanithwa shoosipana oku tumbaleka omadhina gadho opo aayambidhidhi ya kale ye shi oosipana dhawo.

Omukundu guupale wu li owala pethimbo lyomaudhano unene goNPL omunene, go nguka otagu sitha aakwashilipaleki uunye oshoka otaya ti omaudhano, kaa ge na aatali ka ge shi omaudhano omahokithi.

Onkene pamwe oosipana dhetu na dhi kutheko oongaku opo dhi tale kutya ota dhi longo po shike dho dhi hilile omangungo gaatali kuupale.

LEAVE A REPLY

Please enter your comment!
Please enter your name here