Oshihemba shoDingila otashi dulika shi ka hakule okankera

0
898

 

ONGWEDIVA – Namibia otashi dulika a ninge oshilongo shotete mounyuni sha mona oshihemba tashi dulu oku hakula eekankera domaludi.

Ouyelele ou owa yandjwa kuMichael Nenkavu omukalimo womOngwediva omuyandji woshihemba tashi konaakonwa.

Oshihemba Dingila ohashi hakula oipute yomalonda sha kwafa vahapu  vaha tetwe oilyo, noitumbuka ya hengumuka ilo ya twiyuka. Osha hakula yo oimuna noinamwenyo . Ouyelele kombinga yoshihemba eshi okwe u pewa kuxekulu Nongali Michael Nenkavu manga oipangelo ihali po.

Oshidjemo shekonaakono koshitukulwa shoMULTIDISCIPLINARY RESEARCH CENTRE moUnivesiti yaNamibia  2014, osha koleka kutya oshimeno otashi dulu oku hakula  eekankera domaludi.  Onghee osha etifa vali oUnivesiti ya Western Cape moSouth Africa melongelokumwe noSouthern African Biochemistry Informatics for Natural Products ova shakenene oshivike eshi poUnivesiti ya Namibia  moWindhoek pamwe novanongononi mouhaku va dja koUnivesiti ya Pretoria va talulule vali eenghatu domakonaakono melongifo loihemba yopaushitwe.

Oshidjemo shekonaakono osha ulika kutya moku shi longifa kashi na  oilanduli, onghee oshaameni keembakiteli, antioxidant,  hashi velula omukifi wosuuka, oallergy, nokuvelula omauyahame omeni lolutu.

Oshidjemo sha nyanyangidwa monhokolwa ( Ref.No:10/1 July 02, 2015,) oshikondo shoundjolowele osha koleka kutya, oufila hau tulwa momeva, moshikundu , mojuice, poipute yomalonda yomaludi owa monika kutya , otau velula omikifi dihapu da nyengana mepango notau dulu oku longifwa mokutunhila.

Hanale unene eshi natango kwa kundanwa  Joana Amunjela, omuNamibia e li koUnited Kingdom a kufa yoo ombinga momakonaakono opaunongononi okumona omuti wokuhakula okankera, okuxupifa eemwenyo davahapu mounyuni.

Nenkavu ta wedapo kutya, etulo pamufika  loshihemba eshi shi li moufila, nokushi tula meepela ilo moukwatya u lili, otali ka xupifa nokulepeka eemwenyo davahapu keembinga dounyuni tadi kana po molwa omukifi uhe wetikile omuti. Oshihemba otashi pumbwa kwaamenwa, noku filwa oshisho shi tanekwe shi andjakane keembinga dihapu doshilongo. Nenkavu ota ti, etulo lomuti ou meengulu domiti  otali ka tumbalekifa Namibia, meandjaneko lomuti ou moilongo ya yooloka mounyuni..

 

LEAVE A REPLY

Please enter your comment!
Please enter your name here