A tindilwa anuwa evi medhina lyuukwamuhoko

0
191

 

ONGWEDIVA-Omukalimo gwomomukunda Otapatapa moshikandjohogololo shaTamanzi okwa hokolola kutya omalenga geziko lyawo oga tindila yinagona a lale poshipambu shepya lye oshoka Omukwambi, ihe mwene gwoshikandjo shoka omusamane Shivute Ukusa okwa ti ndhoka odha nakalindi kapuna iinima yoludhi ndoka moshikandjo she ongelenga enene.

Maria Kalimbo omvalele yomomukunda gwedhina Eendombe moshitopolwa shaShana ngoka ngashingeyi eli mOngandjera okwa ti anuwa  nonande ye okwa pewa epya ndyoka momumvo 2005 okwa li kwa thigala oshipambu  she shoka a li a lombwelwa komalenga namwene gwomukunda gwawo kutya otashi futululwa.

“ Ngame mwene gwomukunda noshowo omalenga sho ga tseyitha kutya iipambu nenge iitunda mbyoka yili kondje otayi futululwa ngame onda ti oshitunda sha ndje otandi shi futulula. Onda tokola nee oku shipa po memegona ngoka ngashingeyi eli mompumbwe yolukalwa,” Kalimbo ati ngaaka.

Ihe Ukusa okwa ti kutya Kalimbo okwa lombwelwa nale kutya mpoka ka puna olukwalwa lwomuntu oshoka oshitunda shoka oshi li pokati komagumbo, na yinagona ya Kalimbo okwali a pewa oshitunda shimwe pehala li ilile ndele shoka okwe shi tindi.

Kalimbo okwa lombwele Kundana kutya ye okwa a dhika nale a futa na okwa hala ashike a kale pehala lye mpoka.

“Ngele pehala mpoka ina pu uthwa okukalwa, oshike nduno ya taamba iimaliwa ya ndje mbyoka nda futa? Kalimbo a pula ngaaka.

Ihe Ukusa okwa ti kutya iimaliwa oyali ya taambwa kombala oshoka aambala ka ye shi omahala mpoka geli oge shiwike ashike kooyene yiikandjo nosho wo kooyene yomikunda hoka, inaa ya.

Elenga Ukusa olyi ikala kutya anuwa olya ula omukiintu nguka kutya ke na mo ehala moka oshoka moka kamuna ehala lyAakwambi nAakwanyama ta ti ngashingeyi moshikandjo she omuna aantu yomihoko dha yooloka na kena esiku a popye oohapu dho ludhi ndoka.

“ Tse otatu longo okukaleka po elandulathamo momikunda dhetu ihe ngele omuntu ota lombwelwa ndele ina hala oku uvako nena opuna uupu a katukilwe onkatu yopaveta,” Ukusa a ti ngaaka.

Okwa ti elelo lyopamuthigululwakalo otali longo shiikolela komulandu nomautho ngoka geli po.

Ihe ihaya tokola momitse dhawo. Okwa tsikileko wo ta ti anuwa Kalimbo ine mu mona nomeho shina sha noshinima shoka omanga oye mwene gwoshikandjo shoka.

 

 

LEAVE A REPLY

Please enter your comment!
Please enter your name here