Uudhano woSpur ehuliloshiwike ndika mOshakati

0
192

 

OSHAKATI-Ongeshefa yokulanditha oondja dha dhoga nawa yedhina Ongwediva Spur oya tulapo okapandi koshimaliwa opo oosipana dhokiitopolwa yokiimpungu dhi ka kondjithathane methigathano lili ko ehulilo shiwike ndika mOshakati.

Shika oshikando shotango Spur ta kwashilipaleke uudhano konima sho a li a patulula omiyelo nomayakulo ge omimvo mbali dha piti.

Uudhano mbuka owa egulukila oosipana adhihe dhokoNooli ndhoka ha dhi kutha ombinga mooliha dha yooloka.

Odraw yuudhano mbuka oya li ya ningwa nale Etitano lya yi poSpur mOngwediva.

Ekopi ndika olye ya pethimbo ewaanawa unene tuu sho ooliha dhetu moshilongo inaa dhi tameka natango omolwa eshongo lyoshimaliwa.

Onkene ndika olyo omukalo omwaanawa okukaleka oosipana dhi li monkalo ombwaanawa ye ilongekidho manga oshinima sholiha ta shi potokonoka.

Omukwatakanithi gwoNFA mOshana Sam Nekwaya okwa  holola enyanyu lye sho aanangesefa taya yambidhidha noku kutha oshigwana momapandaanda noku shi kaleka shi ipyakidhila nomaudhano.

Ekopi lyoSpur otali tengenekwa li ka kale ha li dhanwa kehe omumvo ongepatululo lyoliha , nehuliloshiwike ndika otali ka dhanenwa pokapale kEmanguluko mOshakati.

 

 

LEAVE A REPLY

Please enter your comment!
Please enter your name here