Elenga enene tali pula uushitwe wu kalekwepo

0
161

 

ONIIMWANDI – Elenga enene moshipundi shuulenga shaNiimwandi mOndonga olya kumagidha oshigwana shi yande okuteta omiti inaa shi pewa epitikilo.

Naeman Amalwa ndhino okwedhi popi moonkundathana  na Kundana kuyele oshiwike shika sho okwa konekiwa kutya omikunda ngaashi Enkolo, Omuzile, Onamutenya, Uuhahe na dhilwe ndhoka dhina iiheke dhilipo tadhi mbugalekwa.

Amalwa okwa ulike kutya opena aantu taya ya ka oshiheke momikunda ndhoka nongeyi ndhika odha mbugalekwa ngaashingeyi sho aakwashigwana taya tete owala omiti ethimbo nethimbo.

Okwa ti okwa li kwa lopotwa omasiku ga ziko aakwashigwana taya tete omiti noku dhi tuta uusiku manga aantu ya kotha, opo anuwa kaaya monike. “Onda yemata  unene omolwaasho aakwashigwana yetu inaya hala okukalekapo uunshitwe molwashoka iihwa nomiti dha ninga okapana kaakwashigwana, nembugaleko olya lula unene noonkondo,” Amalwa a londodha.

Okwa dhimbulutha oshigwana kutya sho oomvula itaadhi loko  we nawa omolwaasho uunshitwe tawu tetwapo, yo aakwashigwana taya mbugaleke dho omiti odho hadhi eta omvula yi loke nawa. Okwa pula ooyene yomikunda ya longele kumwe naakwashigwana oku tothamo mboka taya mbugaleke omikunda ndhika.

Okwa ti ye ongelenga enene ota ka longela pamwe nopolisi  nUuministeli wUunamapya, Omakuti nOmeya koshikondo  shegamenenepo lyiihwa , opo ku kale kwa dhikwa omainda mbala unene uusiku ngono taga kankeke aakwashigwana kaaya tete omiti inaa shi pitikwa koveta, opo oku dhi tuta omausiku manga aantu ya kotha ku hulithwepo.

Ta ti kehe ngoka toka monika wa eta embugaleko moshigwana otoka katukilwa onkatu mbala ngoye wu ka hokolole kutya omolwashike to eta embugaleko moshigwana. “Otuna aantu moshilongo shetu kaaya hole ombili, ngele puna oontamanana nomaipumomumwe yo ohaya kala ya nyanyukwa, onda hala omidhi dhaantu mboka dhi kale dha vudhwamo yo ya longele kumwe nomalenga/nooyene yomikunda,” Ta tsikileko ngaaka.

Okwa kunkilile woo ooyene yomikunda ya totepo ookomitiye tadhi kala tadhi tala tala noku konakona . Oshowo oku ulikamo mboka taya eta embugaleko moshigwana. Ta ti aakwashigwana nayo naya kala opolisi kuyo yene yo ya kwathele mokushunitha embugaleko pevi. Wo uunshitwe tawu kala wa gamenwa ethimbo alihe.

LEAVE A REPLY

Please enter your comment!
Please enter your name here