A kwatwa ta fekelwa a yaka po iimaliwa yomuhona gwe

0
268

ONGWEDIVA – Omukiintu gwomimvo omilongo 32 okwi iyadha konima yomakumba  sho anuwa ta fekelwa a lyapo iimaliwa yomugandji gwiilonga ye mondingosho moka ali ha landitha.

Oshiningwanima shika osha ningwa oshiwike sha ziko sho taku hokololwa kutya Petrina Ashipala oya uvathana nomuhona gwe opo a shunithe iimaliwa mbyoka a li a koolota nayo konima sho ya li yalula ostoko yiilandithomwa.

Okwa hokololwa kutya Ashipala okwa li pethimbo lyeyalulo lyostoka okwa li a a shota niimaliwa omayovi  geli omulongo N$13 900 . Ihe anuwa okwali a uvathana nomuhona gwe opo a longelepo iimaliwa mbyoka, ndele nduno omwedhi sho aniwa guli po ku sa ye omukadhona ota fadhuka po nomayovi gaantu ge 3 000 ngoka a li a mangwa na go.

Ashipala okwa li a holoka mompangu yaMangestrata mOndangwa Omaandaha goshiwike shika nokwa  pewa  i ifutile mo oodola 1 000.

Ondingosho ndjika oyi li pOmwandi moshikandjohogololo Ondangwa  yokomikunda  moshitopolwa shaNdangwa .

Oshipotha she osha  undulilwa komeho sigo okomasiku 24 gaNovemba omanga omakonaakono gopolisi taga tsikile.

LEAVE A REPLY

Please enter your comment!
Please enter your name here