Mokaxwa a nyanyukilwa ehumokomeho mUukule

0
168

 

ONYAANYA – Omupehakuluntusikola gwo Sekundosikola yaUukule, Vinia Mokaxwa, okwa holola enyanyu lye molwa aalongi pamwe naanasikola penongelo ndika taya longele kumwe moku humitha osikola yawo komeho.

Mokaxwa okwa holola olupandu lwe konima sho mosikola yawo mwa ningwa iituthi iyali omwedhi nguka nelalakano lyoku kumika aalongwa opo yi itulemo miilongadhalwa yawo, no ku lesha neitulemo.

Mosikola muka omwali mwa ningwa oshituthi sho ku lalekathana kaalongwa yondondo 12, shoka shali sha dhenga mbanda, naalongwa oyali ya unganekwa noku longekidhwa kaalongi, nosho wo aalongwa ooyakwawo.

Pethimbo lyoshituthi osho tuu shika, aalongwa oyali ya popithwa noku tsuwa omukumo kaasimanekwa ngaashi Acting Inspector moshikandjolongo Onyaanya, Moses Uugwangwa nokOmupevi wiliki gwelongo, Gerhard Ndafenongo gwo National Institute for Education Development moshitopolwa shaShikoto, osho wo aaniilonga yoposikola mpoka.

Kakele koshituthi shika shelalekathano, mosikola omo tuu muka omwali mwa ningwa oshituthi shegandjo lyomapapa kaanasikola mboka yali yeshi enditha nawa mekonakono lyawo lya Aguste omvula ndjika. Aalongwa ngaashi Martha Amunyela, Karolina Ihuhua naRuusa Uukongo oyo yali aalongwa dhingi mosikola ayihe.

Konyala aanasikola ayehe mboka ya adha po 400 oyali yapewa omapapa gawo. Okwa tengenekwa oshituthi shali sha ende nawa  nosha taambiwako nomutima aguhe kaanasikola.

“Onda hala okuthethenga kombunda aalongi pamwe nangame molwa elongelo kumwe miinyangadhalwa mbyoka yapamba elongo naashoka yo yi itulamo mokulonga noku upika oshigwana shokomeho,” Vinia Mokaxwa  ta ti ngaaka.

 

 

 

LEAVE A REPLY

Please enter your comment!
Please enter your name here