Omalolelo guudhano wo North West First Division mOshomeya

0
179
Africa Motto na UNAM Ogongo oya pumbwa okusindanapo omaudhano gawo opo ya ka thitike omwaka ngoka gwa thigwa po kosipana yo Golden Bigs ndjoka ya li ya gumo moliha ndjika omvula yazako oku kalelapo iitopolwa yokoNooli.

ONGWEDIVA – Uudhano mboka wa kala wa tegelelwa koyendji ethimbo ele osho wa pitiko na owuliko ehuliloshiwike ndika pokapale ka Oscar Norich moTsumeb.

Uudhano wotango otawu ka patululwa kosipana yoAfrica Motto yokoNooli opamwe noMilitary School Okahandja potundi ontimulongo yongula.

Oosipana ta dhi kutha ombinga muuudhano mbuka kehe yimwe otayi ka dhana nonkwawo opo ku tothwemo oosipana mbali ndhoka ta dhi kaya koliha yoNorth West First Division.

Oosipana ta dhi kutha ombinga muudhano mbuka ongaashi Africa Motto ndjoka ya kalelapo Oshana, Military School Okahandja yakalelapo Otjozondjupa, UNAM Ogongo yakalelapo Omusati naEtosha United ya kalelapo oshitopolwa sha Kunene.

Uudhano mbuka owa kala wa katekwa koshikumungu shoosipana dhetanga lyegameno nOpolisi ndhoka dha li  dhi limo dha konda pumbali mooliha dha yooloka oshinima shoka itaa shi tsu kumwe nomilandu dha NFA .

Oompango dha NFA ota dhiti iiputudhilo nenge omahangano niikondo yepangelo oya pitikwa ashike yikale yi na osipana yimwe moliha , onkene oosipana dha NDF odha li dhina ompito yokwiimbotsa ngele odha li dha ethwa dhi dhane.

Uudhano mbuka owo, wo wa li wa kateke ooliha dho Second Division oshoka oosipana ndhoka ta dhi dhana ongula ndhoka ta dhi ka sindana ota dhi ka thigapo oSecond Division nokuya koFirst Division.

Ashike ndhoka ta dhi ka thigalamo ota dhi kashuna hoka dha yambukile onkene oliha dhooSecond Division ka dha li ta dhi vulu okuya komeho oshoka omahala goosipana ndhika ita ga vulu ga thitikwe manga inaa ya mona eziminino kutya ota dhi yi koliha ya landulako.

 

LEAVE A REPLY

Please enter your comment!
Please enter your name here