Omalongekidho gethigathano lyethamba dhingi mOkapya

0
154

 

ONDANGWA –  Omalongekidho goku ninga ethigathano lyokakadhona dhingi mOkapya oga tameka nale. Pethimbo ndika  aakadhona aagundjuka mboka ya hala oku kuthombinga mulyo otaya vulu oku ishangitha.

Ethigathano ndika lyoku hogolola omukadhona kaa ku na we mOkapya olya tamekele okulongekidhwa noku ningwa konima yomimvo hamano ngashingeyi. Oofooloma dhomaindilo opo omanzuna ga kuthe ombinga otadhi monika pethimbo ndika oshilongo ashihe.

Omuunganeki goshiindingili shika shontana yanelende kwaa na we  okwa koleke shika omasiku ga ziko, a ti omaishangitho ogeli metifa noofooloma odha pita nale. “ Ethigathano ndika ohali gandja ompito kootaliwashele opo ya kuthe ombinga yo ya thigathanepo, mo tamu tothwa ontana kwaa na we ndjoka tayi kalelepo yakwawo,” Sandro Ithana ta ti.

Ithana okwa gwedhapo a ti omalalakano gawo opo ya etepo oshiindingili shika, oya hala opo ya gandje oompito koontana ndhoka dhi li miitopolwa yokuushayi nadho dhi kuthe ombinga, noku ulika iitalenti niipewa yadho, dho dhi kumikwe  molwaashoka koomvula dho komeho otadhi ka kutha ombinga momathigathano omanene ngaashi Miss Namibia osho wo Miss Universe.

Omvo gwa yi ethigathano ndika inali ningwa omolwa omatompelo gontumba, ashike Ithana okwa koleke nenyanyu kutya nuumvo ayihe oya pwa okulongekidhwa , naa kuthimbinga naya longithe ompito ndjika yi ishangithe ko ku tothwemo uukadhona wuli omulongo mbono owo tawu ka kutha ombinga methigathano ndika.

Hilde Amutse omulongwa moUnivesiti ya  Namibia oye a sindanene ethigathano ndika lyomukadhoka kaakunawe mOkapya , sho ndika lyali lya ningwa lwa hugunina mo 2014.  Nokwa tegelelwa a ka gandje oshishani kwaa ngoka taka sindana nuumvo.

Omainyolitho ngaka ogeli metifa nokwa tegelelwa ga hule kuyele muNovomba, ethigathano olya egulukila aakadhona aaNamibia mboka yena oomvula dhi li pokati komimvo 18-25, no inaya kala yena uunona nande. Oshiindingili osha dhiladhilwa shi kaleko muDesemba tashi ningilwa pEkamuti mOndangwa. Oofooloma otadhi monika pEkamuti, Nashitoke, The system VIP osho wo mOvenduka/ Grootfontein.

Oofooloma otadhi adhika woo komalungula ko missokapya@gmail.com nenge ku Ithana ye mwene noku Elvis Endjala.

Omadhina gaamboka ya hogololwamo otaga ka tseyithwa mbala opo yi ilongekidhile ethigathano ndika. Aahikingalo yopomudhingoloko naamboka opo ta ye ya mehangano lyaahikingalo oya tegelelwa oyo ya ka kuthe ombinga, yo ya nyanyudhe poshiindingili.

 

 

LEAVE A REPLY

Please enter your comment!
Please enter your name here