Omcee apopi kombinga yoongalo dhe

0
275

 

WINDHOEK – Gumwe gwomaahikingalo aashona taya longo nuudhiginini, Mubonenwa Gravey, a tseyika nawa Omcee, osho a popi kombinga yondjila ndjoka a enda opo a kale omuhikingalo.

Mubonenwa okwa hokolola wo nkene natango a tsikila noku ipyakidhila niilonga yoku hika oongalo nuumvo.

Omcee, ngoka ha ithanwa kutya oye omukwaniilwa gwoongalo dhoHouse no kwa monene etango konima yomivo omilongo 25 ngashingeyi, okwati oshipewa she moongalo okwe shi tameke sho ali i imbi ongalo yedhina Warrior, moka a kwathelwa kuLinda momumvo 2014.

Omuhikingalo gwoongalo dho House no Hip-hop, okwa li ishewe a pititha oka alubuma ‘komumvo omupe noKrisimesa’ pu Desemba omvula yazako. Moalubuma ndjika omwali tamu adhika ongalo ndjoka ombwaanawa yedhina “Land of the brave” eyi imba pamwe na Chester.

Okwa ti ye oku imba okwe ku hokithwa kaahikingalo aaSouth Africa ngaashi Professor naRicky Riky. “Ngashingeyi ondi ipyakidhila noalubuma yandje ndjoka nda tengeneka yi pite omwedhi nguka mu momasiku 15,” Omcee ta ti.

Okwa gwedha po ishewe ta ti moalubuma ndjoka otamu ka adhika oongalo dhi li omugoyi, mokuhika oongalo ndhika ye okwa kwathelwa kaahikingalo  AmaTokolos na Vinny.

Oalubuma otayi ka ithanwa Higher (Pombanda) notayi popi kombinga nkene ena okuya pomuthika gwopombanda moongalo.

“Oalubuma ndjika oyo yimwe nda tula kumwe nuudhiginini, no nda tega oyo yi ka tule ndje mowela, noku sindanitha ndje omapapa ogendji mpaka naampeyaka,” Omcee te tu notheleko kashona.

 

 

 

 

LEAVE A REPLY

Please enter your comment!
Please enter your name here