Onakuyiwa yoBrave Warriors moshiponga ngele ina ku dhanwa oliha

0
166
Ngele NPL ina ninga shitika shiye opo a konge omukwashilipaleki nena omaudhano ngaka ita ga ka monika we manga nuumvo.

 

ONGWEDIVA – Aaholi yetanga lyokoompadhi oya holola uutile kombinga yosipana yopashigwana Brave Warriors kutya otayi ka gumwa noonkondo komukundu ngoka gwa kundukidha oliha yo NPL.

Omutoloki gwomaudhano Hafeni Asino okwa li a holola nkene osipana yopashigwana ya yama koosipana ndhoka ha dhi dhana moliha.

Asino okwa ti ngele NPL okwa ndopa okugalulila oliha ndjika kopate nena ota shi ti aadhani mboka haya ithanwa ya ka dhanene osipana yopashigwana itaya kala yeli pamuthika omwaanawa pamadhewo oshoka oliha oyo hayi kaleke omayidheulo gawo kumwe.

Okwa ti kakele kaadhani mboka haya dhanene pondje yoshilongo aadhani ayehe mboka haya dhanene meni lyoshilongo otaya ka gwila moshiponga oshoka itaya ka kala we haya mono omaudhano gopondondo yopombanda.

Onkene oku wete kutya onakuyiwa yetanga lyokoompadhi oyi li monkugo yina onkambe na inayi guma ashike NPL ashike oya guma oshilongo ashihe.

Okwa ti oliha oyo wo osheelo shaadhani oku ulika iitalenti yawo yo ya pandikwe ko NFA opo yawape ya mone ompito yokudhanena oshilongo shawo.

Oshiwike sha ziko Omunashipundi gwoNPL okwa li a holola kutya ka ya li natango ya mona omukwashilipaleki, nando a li a gandja etimuwambwile kutya otaya longo yaana ezimbuko okumona oomiliona 24 opo oliha yi tameke.

Oonkambadhala dhokumona Omupresitende gwoNFA odha li dha adha okwena kwa hula sho a li a holola kutya oku li pondje yoshilongo nomakwatathano gopangodhi ka gali nawa.

NFA oye ha wilike uudhano wosipana yopashigwana na ngele ita vulu okuninga po sha nena uudhano wopashigwana otawu vulu oku gwila moshiponga.

 

LEAVE A REPLY

Please enter your comment!
Please enter your name here