Oshituthi shoongalo dho Jazz sha tseyithwa

0
186

 

WINDHOEK – Oshituthi  shoongalo dho Jazz moshilongo, shi shiwike nawa Windhoek Jazz Festival, osha tseyithwa, no sha thanekwa tashi ka kakalako omwedhi tu uka pokapale koRugby ka Hage Geingob moVenduka.

Etseyitho lyoshituthi shika olya li lya ningilwa poRestauranda  ya Nice, mpoka aahikingalo mboka taya ka kutha ombinga methigathano ndika ya li ya tseyithwa.

Aahikingalo dhingi yaNamibia omvula ndjika, Big Ben naChikune, oyo taya ka mwenyeka, pamwe noongundu dho moshilongo dho Jazz, Fu Jazz All Stars Band, Suzy Eises noSwingers Jazz Band.

Kakele ashike kaahikingalo mboka, okwa tseyithwa wo aahikingalo aayenda taya kaza koSouth Africa mbaka ya kwatelamo Caiphus Semenya, Letta Mbulu na Nathi Makanyi oyo taya ka kala aahiki aanene yomusiki ndjika mesiku ndyoka.

Omunashipundi gongundu longekidhi yoshiithanene shika, Mathew Amadhila, okwa holola kutya nuumvo oshituthi otashi ka kala sha dhenga mbanda, oshoka nongundu yo Jazz ya Roman & Julian, no yaPortuguese’s Elisa Rodriguez, oya holola ohokwe yawo oku kutha ombinga noondjimbo  oombwaanawa tadhi nyanyudha.

Oshituthi shika shiihikomwa yomankuma otashi ka popithwa kOminista yElongo, Omithigululwakalo nuunkulungu, Katrina Hanse-Himarwa, ngoka oye a hogololwa opo a ka kale omutse omunene gwoshituthi shika.

“Oongalo dhoJazz otu wete kutya otadhi koko, noku etapo oshituthi shika osha kala oshinima oshinene oku yambula po oongalo dhoshiNamibia,” Amadhila ta ti ngaaka.

 

 

 

LEAVE A REPLY

Please enter your comment!
Please enter your name here