Osikola Omahiya ya mona oongulu dhosikola tadhi kalele

0
146
Abisai Nendongo pamwe naNgoloneya Henock Kankoshi osho wo aanambelewa yalwe mboka ya lukilwa oklassa posikola ndjika.

 

OMAHIYA – Etitano lyoshiwike sha ziko olyali esiku lyopandjokonona posikola pOmahiya moseketa yOnyuulae, aalongwa naalongingi oshowo aavali oyali ya gongala opo ya taambeko oongulu dhawo dhoskola pambelewa.

Osikola omahiya oyi na aalonga yeli 105 naalongi yeli yaheyali (7). Oyi li mewiliko lyomukuluntuskola Petrus Kakoko. Omwaalu gwaanona mboka haya hiti mboka ogwaayelele. Kakoko okwa ti osikola ndjika monakuziwa oya kala hayi longele miitsali , nomvula ya ziko osikola oyali ya tungilwa oongulu tadhi kalelele.

Omahiya oga tameka pondondo yoshikunino sigo opondondo onti-5, osikola oya ningi elago sho ya tungilwa oongulu dhoskola dhili pamuthika goshinanena. Ngoloneya goshitopolwa shaShikoto Henock Kankoshi oye ali a egulula pambelewa omatungilo ngoka.

Pethimbo ngoloneya Kankoshi ta egulula omatungo ngoka pambelewa okwa pula opo omatungo ngoka ga kalekwepo monkalo ombwanawa, go ga longithwe komapipi ta geya. Ta ti omatungo ngoka oga pumbwa ga kwatwe nawa oshoka ogoshigwana.

Esiku ndyoka olyali woo nelago oshoka omunani nambushe goskola ndjoka Abisai Nendongo naye okwali a mono ompito opo eye a kwate mbushe, ye a tale woo nkene aalongwa poskola mpoka taye shi enditha.

Nendongo okwali a ende pamwe nosheendo shongundulwiimbo yaza kegongalo Onayena. Mosheendo shawo oyali ya longekidha omagano onomenawina ngono ya gandja koskola oyo tuu ndjoka. Nendongo pamwe nosheendo she oya gandja iikwathitholongo yomayovi ogendji oshowo oshimaliwa shooN$17 600.

Iikwathitholongo mbyoka ya gandjwa ku Nendongo omwa kwatelwa  omambo, omashina gokuninga ookopi, niikwathitho ayihe konyala aalongwa ya pumbwa melongo lyawo.

Nendongo sho a gandja omagano ngoka montaneho yaavali okwa koleke kutya okwa taambako oshinakugwanithwa shokuhumithakomeho osikola oyo tuu ndjoka. “Onda pandula sho ndi inekelelwa koshigwana opo ndi nane noku eta omahumokomeho poskola oyo tuu ndjika, otandi uvaneke tandi kala tandi gandja omakwatho mpoka sha pumbiwa.

Okwa ti otaya lalakanene okugandja omakwatho nomayambidhidho ga pamba elongo, yo aanona ya kale ya longwa oshoka oyo aaleli yokomongula. Ta tsikileko ta ti osha pumbiwa okukwatha oshigwana shokomongula sho shi kale sha tseya esimano lyelongo.

inauguration1

 

 

LEAVE A REPLY

Please enter your comment!
Please enter your name here