Ovanailonga vaNAMDEB va yambidida ovo va pumbwa eendya

0
140

 

LüDERITZ – Ovanhu ovo ve na omhumbwe yeendja modoolopa yaLüderitz ova yambididwa kovanailonga ovo hava longele ehangano mina laNAMDEB koshitayi shoko umbangalanhu shaElizabeth Bay Mine.

Eyambidido leendja, nomakumbafa oshoyo oidjalomwa ikulu, oya holoka po eshi ovanailonga vaNAMDEB veliunganeka noku ongela oinima yatya ngaha opo i topolelwe ovo veli momhumbwe mo doolopa yokomunghulofuta.

Omunambelewa omukulunhu moshitayi sha NAMDEB koumbangalanhu, Brand Wood okwa fikifile ashishe osho va ongela po, kombelewa yaMeya wodoodolopa konima yoshivike, opo i topolelwe ovo ve ipumbwa.

Etitatu loshivike shaya omunambelewa oo elile po eyambulepo lovakwashiwana, melelo lodoolopa yaLüderitz, Victoria Hameva okwali ta topolele vamwepo mo malukanda ayooloka, ovo va tofwa mo kombelewa yaye, opo va kale hava topolelwa osho sha holokapo, unene tuu ngeenge tashi uya kombinga yoikulya.

Ovo va mona omhito yoku topolelwa oikulya efiku olo, ovapewa onailona ina Oufila mepungu okashako keekilo1.5, omacaroni, olwishi, ondooha yo coffee, osuuka, neendooha dayooloka, dimwe odo makunde, odomihaka,neeshi domeendooha.

Gloria Jafta umwe wo mwaavo va topolelwa oikulya ei, okwa tumbula kutya, okwa pandula unene kelelo lodoolopa eshi le mu tula momusholondodo waa vo vapumbwa eyambidido leendja modoolopa. Ta tumbula kutya eendja odo amona ote ke di tyapula pamwe noutekulu vaye veli va tanho, ngeenge vadi kofikola.

Jafta okwa pandulala yoo unene ovanailonga vaNAMDEB eshiveli unganeka nokuongela po sha shidule oku pewa ‘ava tuli momhumbwe’.

Embrenzia Matroos oo naye a mona omhito opo a lye peke lovanainlonga vaNAMDEB, okwa pandula unene eshi a dimbulukiwa kelelo lodoolopa opo naye yoo a pewe oikulya yatya ngaha.

Matroos okwakala omunailonga mehangano lokuyula  eeshi la NovaNam, ashike omolwo oukolele, paife okuli ashike peumbo noutekulu vaye.

 

LEAVE A REPLY

Please enter your comment!
Please enter your name here