P-L na ye apitiko noshipandi shoongalo

0
155

 

WINDHOEK  – Omuimbi gwoongalo dho Kwaito, Afro-pop, Gospel noDancehall, Paulus Linus Shimoshili, a tseyika nawa nedhina P-L, osho a pitiko noshipandi shoongalo dh dhili 12, shedhina New Day Rising.

Moalubuma muka P-L okwa longa naanduluki ngaashi Young T, Tommy naAsiya Muraranganda, mboka ya tula kumwe noku ndulukapo oalubuma ye ndjika yi na omulyo omwaanawa noku pulakenwa.

Moalubuma muka otamu adhika nee omaimbilo ngoka omawaanawa ngaashi Nandipitepo, moka ta imbi, ye ta pula uuthemba opo akale mehangano lyoongalo, Ekenge moka ta imbi nkene a hala oku kala omuyamba.

Ongalo ndjoka yopambepo yedhina Mwene Onda Tokola, otayi popi nkene aagundjuka ye na oku indila edhiminepo kOmuwa. Ongalo onkwawo ya dhenga mbanda ongaashi Eimbilo, moka ta kwathelwa ku D-Square.

P-L okwa ti ndjika oyo ongalo ye mu eta mehangano lyaahikingalo, sho a li eyipititha omvula yaziko ongehwahwameko lyoongalo dhe. Ongalo oyo tuu ndjika oya kala noku inyenga nawa mooradio dhoshilongo.

P-L ngoka eli omvalele yo mOndjeke mUukwaluudhi, okwa li a hokithwa oku imba kaahikingalo aaNamibia unene tuu ngaashi aakokoli yomusiki yoshinanena The Dogg naGazza.

Oku imba okwali eku tameke nuudhiginini omvula yaziko sho ishewe ongalo ye Ekenge, yali ya hogololwa ongo oyo dhingi methigathano lyo Kwaito Top 10, ndyoka hali ningwa koradio yo Energy 100 FM.

 

 

 

 

 

LEAVE A REPLY

Please enter your comment!
Please enter your name here