Ya nyanyukilwa ontseyitho yostudio yUuministeli

0
163

 

ONDANGWA – Aahikingalo moshitopolwa shaShikoto oya holola enyanyu lyawo enene, konima sho Minista Yomauyelele, nOmakwatathano gOpauteknika Tjekero Tweya a tseyitha kutya uuministeli we ota wu gandja oompito kaahikingalo ya longithe ehala lyokukwatela oongalo niihikomwa lyoshikondo shika.

Oyendji yomaahikingalo oya nyanyukwa no yu uvite etumba molwashika.

Gumwe gwomaahikingalo gomongundu ndjoka hayi ithanwa Vorticella, Feezy Mweendeleli okwa li a yelitha kutya uuministeli owa longa oshinima sha simana moshigwana, no taya kala nokulongitha oombelewa ndhoka osho wo oostudio ndhoka dhilimo.

Tweya ta ti uuministeli owuna oshinakugwanithwa shoku kwashilipaleka kutya aahikingalo moshilongo oya mona omayakulo ga gwanapo , nongele ka yena iiyakulitho naya longithe oostudio dhuuministeli ndhoka tadhi adhika miitopolwa moshilongo ashihe.

“Aahikingalo oyendji mboka yena uunongo wa yooloka ohaya mono iihuna oshoka ethimbo limwe ka yena oshimaliwa sho ku kwata uungalo wawo naashino ohashi ya sitha uunye etaya kala owala momagumbo ya mwena, nuunongo tawu ende tawu shuna pevi,” Minista Tweya a ti.

Okwa kunkilile aahikingalo ya kale taya talelepo oombelewa dhuuministeli yo ya kale haya tala aluhe omalunduluko ngoka uuministeli wa tulapo. Ta ti ostudio ehala enene tamu vulu okulongelwa kaahikingalo oyendji taya kwatelemo uungalo wawo opo wu uvike moshigwana.

Okwa uvaneke kutya aanambelewa ye otaya kala taya gandja omakwatho  nomauyelele kaahikingalo yo ya yambulepo ehangano lyaahikingalo moshilongo.

Tweya teya kumike opo mboka ya longithe nawa ehala ndyoka mekwatelokomeho lyaanambelewa yuuministeli, yo ya kwashilipaleke kutya uunongo wawo mboka yena inaye wu shunitha pevi, ihe ye wu ulike noku yambulapo iipewa niitalenti yawo.

Okwa tothamo ngaashi aahikingalo yongundu yoVorticella, oongundu dhomalwiimbo, oongundu dhiinyandwa na dhilwe woo ndhoka hadhi vulu okwiimba nodha pumbwa omawi gadho ga kwatwe ,ihe otadhi nyengwa molwompumbwe yoshimaliwa a ti odha taambwako okulongitha oostudio ndhoka.

Aahikingalo mboka yali ya gongala esiku Tweya a gandja etumwalaka ndyoka pOmuthiya oyali ya uvaneke taya ka longitha ostudio ndjoka. Taya hokolola kutya ohaya ende oondjila oonde niinano iile opo yaka kwatithe oongalo dhawo kOndangwa,Oshakati nenge kOvenduka. Taya popi kutya uuministeli owa egulula ompito ndjoka ombaawana no taye keyi longitha nawa.

 

recording1 recording

LEAVE A REPLY

Please enter your comment!
Please enter your name here