Aalombe taya ilonkekidhile oshituthi shaanyasha

0
225

 

Windhoek

Lya ninga natango ethimbo lyAalombe oku ilongekidhila oshituthi shawo sho komumvo shaanyasha shElombe Youth Expo.

Oshituthi shika tashi kaningwa omasiku gaali, osha tengenekwa shi ka kale ko muDeeseemba 26-27 mo mukunda Elombe, moshikandjo hogololo Onayena moshitopolwa Oshikoto.

Oshituthi shika osha totwa po kElombe Art Academy (EAA), naashika otashi ka kala oshikando oshitine tashi kadhanwa momukunda omo tuu muka. Petameko oshituthi okwali ashike sho mayinyanyudho kaanya yomElombe shoka shali sha lukwa Elombe Youth Festival, nongashingeyi osha ninga oshituthi sheuliko lyuunongo waanyasha mElombe.

“Otwa tokola opo oshituthi tushininge Elombo Youth Expo, oshoka mongashingeyi aanyasha yomElombe nopomikunda dhopopepi oya ulika ohokwe yawo yoku ulika iilonga yawo mbyoka yaninga yoyene, shivulithe oku inyanyudha ashike,” Omu etipo gwoshituthi shika, Erastus Tsempo tati ngaaka.

Omvula ndjika, oshituthi shika okwa tengenekwa shi ka kale shadhenga mbanda, noka kele ashike kiilongadhalwa mbyoka yomayinyanyudho hayi nigwa shito, nuumvo okuna omauliko giipindi kaanyasha, omandaaniso, uudhano, nomathigathano gayoolokathana, osho woo euliko lyoka kadhona dhingi kuusiku wahugunina.

Tsempo otati esiku lyotango lyoshituthi shika ota ku kakala ethigathano lyomaudhano, mpoka oongudu dhuudhano tadhi ka kondjela ekopi lyElombe Youth Cup. Esiku etiyali, ota pu kakala omauliko giipindi okuza kiinima mbyoka yomithigululwakalo ngaashi oonguwo osho wo iikutya. Uusiku wesiku ndika ota ku ka kala ethigathano lyokakadhona dhingi moka omazuna geli omulongo ta ga ka ulika uunongo wawo.

Nuumvo opuna uutala womalandithilo wuli omulongo mboka wuli tawu ka hakanwa koondola dhaNamibia 10. Tsempo okwati omayindilo oga tameka nale, no taya ka ninga yatetekela ihayinu omeya genono.

Ta indile ishewe kwaamboka yahala oku kwathela yakale ya ninga ekwatathano lyopango ko 0813644597 nenge 081784242.

 

LEAVE A REPLY

Please enter your comment!
Please enter your name here