Africa Motto a yi koFirst Division

0
153
Omwaalu gwoosipana dhokoNooli moliha ndjika ngashiingeyi otagu tana sho gashingeyi omuna oosipana dhili ine, Onambula United na UNAM FC dhokOmusati omanga Africa Motto nOngwediva City dha kalelapo Oshana.

TSUMEB-Africa Motto ngoka a li a sindanapo oliha yoSecond Divison yaShana okwa li a yi molugodhi noosipana ndhoka dha li dha sindana ooliha miitopolwa yilwe opo ku monike mboka taya ka wayimina etemba lyoFirst Division.

Okaliha haka okashona hoka ka li ka dhanenwa moTsumeb ehuliloshiwike lyazako omwa li mwa, kuthwa ombinga koosipana ngaashi Etosha FC yaKunene, UNAM FC Omusati, noMilitary School Okahandja ndjoka ya kalelapo Otjozondjupa.

Africa Motto ka li eenda omupadhi gwelago oshoka hwiyaka kOshomeya okwa li a liwako iilyaalyaka sho ali a kanitha omaudhano ge gaali gopetameko konima sho a li a dhengwa 3-2 koMilitary School nomuudhano uutiyali oya li ya dhengwa 2-1 KoUNAM Ogongo.

Iizemo mbika kaya li iiwanawa kuAfrica Motto ngoka ali a thigalako ashike nuudhano wumwe nosipana yEtosha FC.

Africa Motto okwa li a tula ombunda moshihwa muudhano we wahugunina na okwa li a pondola oku dhenga Etosha FC 3-2 nokukuthapo ehala etitatu muudhano mbuka.

Elago lya Africa Motto olye keya mpaka sho moliha muka mwa li muna omahala gatatu konima sho osipana yo Robber Chanties ya li ye ekelemo oshifanduke mokapale kutya itayi ka vula we okutsikila nuudhano moliha yoNorth West First Division.

Onkene Africa Motto okwa li eende omupadhi gwelago okuya koFirst Division oshoka ngele andola osipana yaRobber Chanties  omo ya li ya kala moliha nena moliha muka omuna ashike omahala gaali ga eguluka ngoka ne ga li gena oku toolwapo ku UNAM na Military School.

 

LEAVE A REPLY

Please enter your comment!
Please enter your name here