Ka si anuwa sho ka lika kepuka

0
265

ONGWEDIVA-Okanona koomvula ne okasi eso lyombaadhilila sho kalika noku lambelwa kepuka omanga yali taya dhana melundu na yakwawo mOsoondaha.

Oshiningwanima shika osha ningilwa pomukunda Ondjungulume moshikandjihogololo shUuvudhiya moshitopolwa shaShana.

Anuwa yakwawo mboka yethike pu nakusa  oya mono ashike Dominikus Mwiila ta lili unene ye ta galangata mevi sigo ti itsuwa komweendi  nandjila ngoka eya thikamene noku ka lombwela aavali ye.

Sho nduno ya galuka ye ye ya tale kutya oshikwashike tashi lilitha okanona oya adha ashike omunona a sa nale.

Oshiningwanima shika osha kwashilipalekwa komupopiliko gwopolisi mOshilandopangelo Chief Inspecta Slogan Mathew ngoka a ti kutya opolisi yopOnkani moshitopolwa shaMusati otayi konaakona oshipotha shoka sha patululwa oku tala kutya oshike naanaa sha li okanona hoka.

Nakusa okwa li  na yakwawo yatatu mboka a li ta dhana nayo moshana yo oyo nee ya popi kutya mukwawo okwa lika sho a lambelwa kepuka ndyoka lya tuka po mbala mbala konima sho nakusa a tameke okulila.

Omakonaakono gopolisi moshinima shika otaga tsikile.

 

LEAVE A REPLY

Please enter your comment!
Please enter your name here