LTK Group ovapumbwa eyambidido

0
221

Lüderitz – Ova shikingalo vongudu hai ufanwa Lacost Toggle na Khama (LTK)  Group otava kongo eyambidido vadule okupitifa omaimbilo oo va tota a fika lwopomilongo mbali paife.

Omutoolinghundana wa Kundana meenghundafana na vavali vomovashikingalo ava Naftal Khama na Heita Herman oshivike eshi  ova hokolola kutya ova hovela okutota noku imba eengalo  modula yo 2013, hava imbi eengalo do Kwaito.

Tava hokolola kutya fiyo opapa ove shi pondola okukwata  (recording) omaimbilo a fika po 20, ashike ova pumbwa eyambidido va dule okuhapupaleka oungalo  noku va tula momalandifo opo oshi wana shi dule okupwilikina ketumwalaka olo lilimo.

Omafaneko oo vena oyoo kutya ngeno va kale va pitifa o Album yavo yotete kuyele odula oyo twa finda.

Ovashiki ngalo ava ova tumbula kutya ohava shambula ovakalimo vo moLüderitz poivilo ya yooloka, have shi ningi ashike pali yambo shaashi kavena natango oufemba, okudja kehangano olo lililepo ovashikingalo moshilongo, na vahapu ova holola kutya ova hokwa eengalo davo, nohava pula kutya openi tava dulu oku landa eengalo davo.

“Ovaholi veengalo detu inamu teka omukumo, ina mu mona twa kalako, ohatu kendabala opo  tu kale twatula eengalo detu momhepo opo di dule okushambula vahapu moshilongo”. Khama osho a tumbula.

Ovaholola kutya omolwo mhumbwe yoshimaliwa, neembelewa odo dili  ashike ko Windhoek ongee ododo doku hapupaleka oungalo, oshoyo, ombelewa oyo hai yandje oufemba kovashikingalo oNamibia Society of Composers and Author of Music (NASCAM) nayo oili ashike koshilando pangelo.

Ovashiki ngalo ova indila opo eembelewa ngaashi oyo yo NASCAM ikale ngaa hai li nyenge noku twala omayakulo koshiwana, opo ovo vena ounghulungu wokutota oyiimbo ndele kavena oshimaliwa shokweenda eendjila dile,  vadule okumona omayakulo, voo vadule okuya komesho noku li monena yoo oshimaliwa, paku tula momalandifo eengalo odo vatota.

Ova tumbula kutya meengalo odo vatota odina lela etumwalaka la pumbiwa okupwilikinwa koshiwana. Eengalo otadi popi kombinga yohole, nomakumaido mawa taa tungu oshiwana.

 

 

LEAVE A REPLY

Please enter your comment!
Please enter your name here