Namibia oha li nawa oohi

0
160

 

Ongwediva

Omuthika gwaNamibia momusholondondo gwiilongo mbyoka hayi li oohi odhindji ogwa yi pombanda okuyeleka nomimvo dha piti sho oshilongo kwa li shi li pevi ngele tashiya mokulya oohi.

Eyopombanda ndika olya popiwa kOminista Yoohi nOonzo dhIikwafuta, Bernhard Esau pethimbo ali ta popi piitelekela ya longekidhwa kehangano lyokuhumitha komeho elyo lyoohi moNamibia. Iitelekela mbika ya kwatelwa komeho kuNational Fish Consumption Promotional Trust oya li ko petameko lyomwedhi nguka mOngwediva.

Esau sho a popitha aayenda piitelekela mbika okwa ulike enyanyu nolupandu lwe a ti omuthika omupe mpoka Namibia eli mokulya oohi odhindhji okwa thiki po omolwelongelokumwe pokati ka ayehe yomoshikondo shoohi.

Okwa ti Uuministeli we pamwe na NFCPT oya longele kumwe no ya soshimpwiyu kutya oshigwana osha mona oohi kondando yili nawa.

“Elongelokumwe ndika olya eta iizemo iiwanawa molwashoka oshigwana otashi vulu okumona oohi osho wo ilongomwa yoohi nuupu noko ndando tayi hokitha.Oshoka omelongelokumwe ashike  tatu vulu oku adha omalalakano getu” Esau a ulike.

Pethimbo lyiitelekela mbyoka opwa li wo pwa gongelwa iimaliwa yoodola omayovi 700 000  mbyoka tayi ka pewa oosikola dhokuushayi,moshitopolwa Oshana. Omahangano gokukwata oohi gaali oga uvaneke taga gandja ooN$ 195 000 osho wo ooN$165 000 kehe limwe.

Oosikola ndhoka dha tothwamo okupewa iimaliwa mbika odha tegelelwa opo dhi gandje oompumbwe  dhadho opo ndhika dhi pewe mo momwalu nguka.

Esiku lyokulya oohi lyopashigwana tali landula omumvo tu uka otali ka ningilwa moshitopolwa sha Kavango Uningininino

LEAVE A REPLY

Please enter your comment!
Please enter your name here