Oalubuma yaChella Boy ontitatu oyi li pokupita

0
212
Chella Boy ngoka ta ka pititha oalubuma ye ontitatu   yedhina Etokolo Loye pehulilo lyomwedhi nguka.

 

Windhoek

Omuimbi okuza kuumbangalantu woshilongo, Kalitsu Wilhelm, a tseyika nawa Chella Boy, okwi ilongekidha okupitihta oalubuma ye ontitatu yedhina Etokolo Loye, pehulilo lyomwedhi nguka.

Chella Boy okwa ti oalubuma ndjika ta ka pitha otayi popi kombinga yiinima mbyoka tayi ningwa monkalamwenyo yethimbo lyuugundjuka, nankene yena oku yanda iinima iiwinayi, yo ya kale aaleli yoshilongo monakuyiwa.

“Ngaashi naana edhina lyoalubuma tali popi, sha hala kutya kehe gumwe okuna okuninga etokolo lyonkalamwenyo ye manga omushona,” Chella Boy ta ti ngaaka kombinga yoalubuma ye.

Oalubuma oyina omaimbilo 12, ngoka ga dhindwa noku ningilwa omikwelengendjo kuM-Jay na Maj Beatz. Moalubuma muka Chella Boy ota kwathelwa okuimba kuBuju Katyoko, Jay R, Bantu, Maj na Tracy.

Oongalo tadhi adhika moalubuma ndhoka oombwaanawa kwaanawe ongaashi Etokolo, Pamwe, Ohombo,  Omwene naKuulumenhu, oku tumbula po ashike dhimwe.

Chella Boy okwa gwedha po ta ti euliko netseyitho lyoalubuma ndjika ota li ka ningilwa pehala lyomanwino lyo Perfect Time Bar, mOkuryangava momi- 29 gaKotoba.

Chella Boy okwa tseyika sho ali a pititha oalubuma ye ontiyali yedhina “Ndalolokapo” omvula ya piti, kohi yewiliko lyUupyu Production. Okwa li ishewe a kala noku imba pamwe na Nakale ya Nakale, ngoka a li emu tula komeho yengathithi lyaantu oyendji. Chella Boy oye ishewe a tseyika enyakwa moongalo dhoRhumba noKwiku, ndhoka ha imbi nomukumo.

 

 

 

LEAVE A REPLY

Please enter your comment!
Please enter your name here