Shaanika ta tsikile noku pendulapo aayelele mOnamatanga

0
195
John Shaanika eli momutsuhu gwaAina a thanekwa nooNtana dhaNelende ndhoka dha li dha kutha ombinga methigathano lyokakadhona dhingi poNamatanga.

 

ONAMATANGA-Omukuluntusikola gwoposikola yopevi yaNamatanga John Shaanika okwa tsikila noshilonga she sho ku eta omapendulepo mokati kaagundjuka yomuhoko gwaayelele pomukunda Onamatanga.

Shika Shaanika okwe shi tsikile konima sho a li a longekidha oshiindingili shokakadhona dhingi mOnamatanga omasiku ngaka.

Shaanika okwa li a kwathelwa kokakadhona okagundjuka Delcina Immanuel, hoka wo keli haka longo posikola tuu mpoka okuunganeka oshituthi shoka konyala sha li sha nana engungo lyaantu yevule po 500.

Amwaama Hilya oye okakadhona dhingi mOnamatanga, omanga Uukongo Hilma oye omuprincess gwotango.

Katsekatoka Loide oye Omuprincess omutiyali omanga Uukongo Ebba oye okakadhona dhingi momafano(Miss Photogenic) ye Amwaama Lahja oye Miss Personality.

Osikola yaNamatanga oya tameka okuza pondondo 0 sigo 5 na oya li ya gongele okapandi koodola N$ 6 000, moka N$ 2000 dha li dha gandjwa komupatrona gwosikola ndjika omusimanekwa Peter Iilonga, na otaya ka longitha oshimaliwa shika oku tunga ongundu ontihamano posikala tuu mpoka.

Shaanika oku li wo a tseyika nawa muudhano woonkambe mboka ha unganeke kehe omumvo pOnamatanga mboka ha wu kuthwa ombinga kaantu yaza koombinga noombinga moshitopolwa shaMusati.

Onkene ota indile aanangeshefa naantu koohandimwe opo yemu wayimine mekondjo lyoku eta ehumokomeho momuhoko gwaayelele mbaka.

Onamatanga oyi li ookilometa 110 muuninginino wodoolopa Okahao mokuti koshitunda shaNgandjera.

 

 

LEAVE A REPLY

Please enter your comment!
Please enter your name here