Chikune oye dhingi muumbugantu wAfrika

0
185
Chikune ngoka opo ashike a sindana ekopi lye Etine ehulilo shiwike lya piti moshilando Dallas shi li moTexas kuumbugantu waAmerica..

 

Windhoek

Omuhikingalo dhingi omukiintu moNamibia a sindana ekopi lyuuhikingalo kwaanawe miilongo yokUumbugantu wAfrika.

Pinehas Nakaziko okwa kundaneke kutya omwiimbi gwomusiki yomufango gwoAfro Jazz Colleen Tjikune aka Chikune  okwa mono epole ndika lyomuhikingalo dhingi miilongo yUumbugantu wAfrika koshiithanene sha li ko Olyomakaya gaziko mo America.

Chikune okwa asindana ekopi ndika methigathano lyolweetho olutitatu lwo African Muzik Magazine Awards (AFRIMMA), lya li lya ningilwa moDallas, Texas moUSA kongulohi yOlyomakaya ga piti.

Chikune ngoka opo a li a kuthombinga methigthano ndika lwotango okwa li ta kondjele oshishani shika naanamadhina momusiki  ngaashi Lira omuSouth Africa, Ice Queen Cleo omuZambia, Lizha James omuMozambique), Busiswa omuSouth Africa, Nnunu Bomolemo Ramogotsi omuBotswana, Pah Chihera omuZimbabwe na Zonke omuSouth Africa.

Omwiimbi dhingi gwongalo, yedhina Kapana okwa li a sindana po ekopi ndika noalubuma ye ompe yedhina “I am With the New”.

Mboka ya tseya nawa Chikune, oye shishi  kutya shika hasho nando oshikando shotango ta sindana ekopi molwa oshitalenti she, shoka she mu pethitha nale omakopi geli gane gaali gomugo ga ziilila pondje yoongamba dhaNamibia.

Nonando Chikune ka li eshi ngele ota sindana, okwa ti ye okwali a nyanyukwa noonkondo oku uva onkundana ndjika.

“Nonando nda kala ndi inekela moshitalenti nomuunongo wandje ngaaka, okwa li nda kumwa noonkondo oshoka moshitotopolwa moka ndali osha li sha kwata miiti molwomanyakwa moondjimbo ngoka nda li tandi kondjithathana nago,” Chikune ta ti ngaaka.

Okwa gwedha po a ti esindano ndika olya gwedha kwaandyoka a mwene ongo omuhikingalo omukiintu kwaanawe moNamibia. Ekopi ndika okwe li sindanene pomathigathano gaahikingalo aaNamibia, haga ithanwa NAMAs.

“Ngashingeyi ondina oopoloyeka odhindji ndina oku ninga ngele tashiya moongalo, nondiwete okusindana ekopi ndika okwa kumike ndje opo ndi longe nuudhiginini,” Chikune ta ti ngaaka.

 

 

 

LEAVE A REPLY

Please enter your comment!
Please enter your name here