Mbangula naNiitenge oyo aanasikola dhingi pErundu

0
330

 

OSHAKATI-Osikola Erundu moshikandjolongo shaShakati oya li ya unganeke oshituthi shoku gandja omapapa kaanasikola naalongi mboka yeshi enditha nawa miilonga yawo momukokomoko gwomvula 2016, Etitano lyaziko.

Okamati Michael Mbangula komondondo onti 12 oka li ke shi pondola okuthigapo aalongwa ayehe yeli moongundu mbali 11-12 nokali ka sindana po epapa hali ithanwa Dux Learner ndyoka ha li lalakanenwa kaanona posikola mpoka.

Niitenge Kleopas okwa li a kangele aalongwa ayehe yeli mondondo ontihetatu sigo ontimulongo, na okwa li a pewa wo epapa lyuuDux Learner.

Konyala uunona owundji owa li wa pewa omapapa onge kumiko opo wu tsikile noku longa nawa no nuudhiginini .

Osikola ndjika oya li wo ya gandja omapapa kaalongisikola mboka ya longa posikola omimvo omilongombali nokuya pombanda sho ya kala yena osikola ndjika komutima sigo onena.

Osikola Erundu oya za pondondo yotango sigo ontimulongo nambali noyina aalongwa ya konda pe 1 500.

LEAVE A REPLY

Please enter your comment!
Please enter your name here