NFA a uvithwa nayi kekatasho lyAhahende ndjayi

0
176

 

Windhoek

Olutu halu wilike uudhano wetanga lyokoompadhi moNamibia[Namibia Football Association –NFA] otalu uvithwa nayi kekatasho lyAhahende ndjayi moku koleka euvathano tsokumwe ndyoka tali pitike opo uupale wetanga lyokoompadhi wuli 23 muumbangalantu wa Namibia wu yumu dhwe po.

NFA okwa uvathana nehangano lyelongelokumwe lyopaigwana lyo koNdowishi nenge[Deutsche Gesellschaft fur Internationale Zusammenarbeit[GIZ] pamwe na FIFA opo ya yumudhe po uupale omilongo 23 wetanga lyokoompadhi moshitopolwa Ohangwena nokapale kamwe komoVenduka.Ihe pethimbo ndika euvathano ndika olili natango kombelewa ya hahende ndjai ngoka ena oshinakugwanithwa shoku lii endulula nawa omanga olutu nduka inaa lu koleka ndika pehala lyepangelo.

Pahapu dhamushanga ndjayi gwoNFA, Barry Rukoro, ombelewa yAhahenda Ndjayi oya hala oku kwatakanitha ayehe mboka ya kutho mbinga meuvathano ndika opo uuna ndoka mbaka  inaa ya gwanithapo oshitopolwa shawo nena otaya vulu oku katukilwa oonkatu dhopaveta.

“ Omahangano ngaka oga pungulamo nale iimaliwa oyindji moshilongo muka konyala epungulo lyago oli vule pooN$50 oomilliona.Ngele mbaka oya ti otaya vulu owala okutunga uupale omulongo nena shika itashi etapo elunduluko lyasha.Oya ningile omauvaneko ngoka yo ya gwanithile .Onkene tse otwa tseya ondjokonona yiilonga yawo” osho Rukoro a popi a thitapo.

Ombelewa yaHahende ndjai oya ekelehi epopyo ndyoka sho ya pulwa oku li yamukula, ndele ina yi tsikila ko we sha , ya ti shika oshinasha niiholekwa yomuyakulwa.Ihe nando ongaaka ombelewa ndjika oya lombwele  NBC Sport opo a    konge  uuyelele owindji kUuminsta wIilonga yopashigwana, Omaudhano naagundjuka. Omuwiliki gomaudhano mUuministeli mbuka Shivute Katamba okwa tumine NBC kuTimo Tjongarero ngoka oye omuwiliki  gwiilonga mbika, ngoka a koleke kutya iilonga mbika oya thanekwa okutamekwa momasiku ta ge ya.

LEAVE A REPLY

Please enter your comment!
Please enter your name here