Oshakati Basketball Club mofinala yuudhano woBasketball

0
164

ONGWEDIVA-Osipana yoBasketball yaShakati oyi ilongekidha  okuya kedhingoloko lyahugunina lyuudhano wobasketball moshitopolwa shaShana.

Ongwediva Basketball Club naandjoka yoVeteran Basketball otaya kaya mondambo ehuliloshiwike ndika opo ku talike ngoka ta ka ya mondambo nOshakati Basketball Club ndjoka ya tula nale okugulu kokukwawo ya tegelela ashike ngoka teya oku yi wayimina.

Ongula ya nakwasha pokapale kaUNAM Engineering otapu ka kala pwa tsima ontsi sho Ongwediva Basketball tayi ki ikwata no Veterans Basketball Club opo ku talike  ngoka ta ka ya medhingoloko lyahugunina.

Uudhano pokati koVeterans nOngwediva Basketball Club otawu tameke Olyomakya potundi onti 17:00 naangoka ta ka sindana ota ka tsakanena nOshakati Basketball Club mOsoondaha.

Omupopiliko gwoliha ndjika Laina Ndoloma okwa holola enyanyu nkene uudhano mbuka ta wu koko okuza sho ya li ya tameke po, oliha ndjika omvo gwayi.

Okwa ti oliha ndjika sho yu uka pehuulilo oya tegelela oosipana oompe opo dhi ki ishangithe sho oliha ndjika ta yi ka patuluka ishewe omvo tu uka.

Oliha ndjika oha yi longitha okapale kaUNAM Engineering hoka ke li lela pomuthika omwaanawa.

LEAVE A REPLY

Please enter your comment!
Please enter your name here