Oshiwana oshi na oshinakuwanifwa okukwata nawa okanala

0
213

 

OSHAKATI – Atushe otuna oshinakuwanifwa okukwatela po okanala inaka kolongwa oko ka dja  pOlushandja kEpalela mOmusati fiyo okUuvudhiya mOshana.

Edi oda popiwa kuSteven Tuukondjele omukulunhu wEndjaneko lOmeva komikunda mOshikoto. Ta ukondjele okwa ti keshe dula epangelo ohali longifa eemiliyuna 6 mokulafulula okanala aka ka fewa po manga oshilongo inaashi manguluka.

Tuukondjele okwa weda po kutya, okudja muJuni neudo oshikondo shae osha tameka kulongulula okanala aka koule weekilometa 130 okudja kEpalela ka pita mOtsandi, Okahao, Onaushe, nOndjungulume, noke na ko ashike eekilometa 6 ka fike ketale lUuvudhiya moshitukulwa shaShana.

Molwa omaufita oimuna omayovi 38 ya fya nale koshikukuta moshitukulwa shaMusati meedula mbali da dja ko, epangelo ola nyamukula komhumbwe yoshiwana noimuna tai fi enota .

Ovakwashiwana vamwe momikunda mwa pita okanala aka, ova panunina omeva momadiva avo, onghee omunambelewa ou okwa kumaida oshiwana shi tale kutya okanala oketu atushe moitukulwa Omusati, Oshana, Ohangwena nOshikoto. Embonyono lako otali i moshipala ekunguluko lomeva okuya koitukulwa ikwao oko ku na enota nepangelo ohali longifa eemiliyuna dihapu mokufuta olusheno olo tali pombo omeva.

Tuukondjele ta weda po kutya, modula keshe mokanala ohamu file ovanhu vefike 10 onghee atushe natu ka file oshisho. Omeva ngee a fiki ketale laUvudhiya, epangelo ola faneke oku tamununa okanala aka ka fike kOoinakulu yOmadhiya kombuwa moshitukulwa shaShana.

Epangelo ola ninga po omafaneko oo, opo oshiwana shi kufe yoo ombinga mokukwatela po eedjo domeva  tali lodwele kutya ngeenge inatu mona omuloka  wa wana  onghalo yenota otai ka ya pombada.

Okwa kumaida oshiwana  shi yandje ouyelele kopolifi ilo kuvo shama kwa monikaoo ta popola okanala.

Omolwondilo  yomeva, ombelewa yeandjaneko lomeva monakwiiwa, otai ka longifa omukalo wokutaofa mo ovo itava dulu lela okufuta omeva. Omunhu keshe mefiku okwa teelelwa a longife eelitera domeva 25 meemhumbwe daye adishe okunwa okulikosha okukosha nokulongekida oikulya, omanga ongobe otai longifa eelitera  domeva 45 noshikombo eelitera 15.

Tuukondjele okwa kumaida oshiwana shi diinine po oukoshoki womeva, ku ha kale vali omunhu te li koshele mokanala ilo ta koshele mo oikoshomwa  opo tu kelele omikifi okudilila momeva..

LEAVE A REPLY

Please enter your comment!
Please enter your name here