Ovahongwalongi veekinda va ndungikafana

0
177

 

ORANJEMUND – Ovadeulwa ovo tave li hongele oulongi woshikunino moprogramma yoPerivoli Schools Trust moshikulwa sha//Karas ovali va shakena mOranjemund omafiku a djako.

Omukwatakanifi woPerivoli Schools Trust moshitopolwa sha//Karas Dahafa Kashidulika okwa lombwela Kundana kutya ovo tave li longele okulonga eekinda moshitopolwa sha //Karas pamwe novadeuli vavo omo Kashidulika a kwatelwa mo, ovali vaya molweendo opo vaka shakene pamwe kOranjemund.

Ongudu yovadeulwa va fika po40 ovali va shakena pOranjemund Pre-Primary omafiku a djako. Kashidulika ta fatulula elalakano lokuongala pamwe kutya, ovadeulwa ova shakena, opo va topololelafane eewino, nomaunongo oo taa wapalele, mokulonga ofikola yoshikunino. Mokushakena pamwe pamukalo woludi eli, opo ovadeulwa tave li likolele ounongo wa wedwa po wokutota po eeKindergarten momikunda nokeedoolopa davo.

Kashidulika okwa tumbula kutya olweendo ola li liwa lela.

Ehangano loPerivoli Schools Trust ehangano eliyambi olo hali deula ovalongwa noku vatula pomufika opo tava dulu okukalonga eekinda, moshilongo ashishe. Nehangano eli ola shoneka okukala la deula ovalongi veekinda vahapu moshilongo ashishe.

Ovadeulwa ohava longwa yo, nghene tava dulu okunduluka po oikwafifo hongo, taveindulukapo voovene, pakulongifa oinima oyo yalonga nale, opo vadule okuilongifa ngee tava longo ounona.

Ovadeulwalongi ngee vamane omadeulo avo, nena ove na yoo omhito ya yeuluka okukala hava mono omadeulo a wedwa po omafimbo nomafimbo, nelalakano opo va endele pamwe nefimbo, mokutunga po onakwiiwa yoshiwana shokomongula.

Kashidulika okwa pandula unene kolweendo la tya ngaha, ta tumbula kutya ova tungafana shili, ngaashi naana osho shali elalakano lolweendo.

Ta pandula ombelewa yaKansela woshikandjohoololwa sha !Nami#nus Jan Scholtz eshi eva kongela omayambidido okunwa oko vakala tava nu omafiku oo veli molweendo, neyambidido ola dja kofitola yoSpar moLüderitz oshoyo ko ngeshefa yaKlein Aus Diary ili koAus.

LEAVE A REPLY

Please enter your comment!
Please enter your name here