UNAM Engineering a kutha ko Medipark kombanda yoliha

0
163

 

ONGWEDIVA-Osipana ya Medipark FC yetanga lyokoompadhi oya li ya dhana okalimba komakutsi konima sho yali ya kanitha omaudhano gatatu ga landulathana.

Ospana yaanamiti ndjika oyo ya kala kombanda yomusholondondo gwosocial league sho oyo ya li yina iitsa oyindji okuyeleka noospana oonkwawo muudhano mbuka.

Oliha ndjoka yina ko ashike edhingoloko limwe opo yi thike pehulilo ngashingeyi oyili momake gosipana yaanasikola yaUNAM mboka ye li komeho niitsa 17 na oya landulwa kosipana yaMedipark niitsa 16.

Ashike UNAM okuna okwaako ku li pombanda oshoka uudhano mboka e na ko ota ka dhana na Medipark.

Shika ota shi ti UNAM okwa pumbwa ashike iitsa yili itatu nota ka toolapo oshishani sholiha ndjika.

Medipark kombinga ye ota galikana opo ando UNAM a dhengwe momaudhano ge gahupako opo ye ta sindana uudhano we wahugunina, ashike shika ota shi ka ningwa  nuudhigu oshoka osipana yaUNAM oya kindja nokapuna osipana ta yi vulu oku ya kankameka.

Oliha ndjika oya li ya tameke kuyele muMai nuumvo moka oosipana ngaashi Standard Bank, Trustco, Ongwediva All Stars, Medipark,na UNAM Staff ya li ya ningi omalolelo goliha yaakokele.

Omukwateli komeho gwoliha ndjika Olalani Anjani okwa li a kombo kombunda oosipana ndhoka dha li dha kutha ombinga sho dha li dha ihumbata nawa noku kaleka edhina lya Medipark lya yela ngoka oye  omukwashilipaleki gwoliha ndjika.

Oliha oya kwashilipalekwa koshipangelo shaMedipark mOngwediva noyi li nale ya nana oosipana odhindji ndhoka dha hala oku tu wayimina sho tatu ka tameka momvula ompe.

Omusindani gwotango ota ka mbendekwa okapandi ko N$ 4 000, omutiyali N$2  000 no gwa hugunina N$ 1500.

Oliha ndjika oya tegelelwa yi ka ninge wo oshituthi shegandjo lyomapapa kaadhani mboka ya longa nawa sho ndjika tayi keya pehulilo.

LEAVE A REPLY

Please enter your comment!
Please enter your name here