Multichoice a patulula ombelewa ompe mOngwediva

0
178
Ngoloneya gwaShana Clemens Kashuupulwa na Roger Gertze taya egulula oombonge dha Multichoice pambelewa mOngwediva.

ONGWEDIVA-Ehangano lyoMultichoice Namibia olya patulula pa mbelewa oombelewa dhalyo mOngwediva oshiwike shika.

Oombonge ndhika odhali dha patululwa pambelewa kuNgoloneya gwaShana Clemens Kashuupulwa  ngoka a kumagidha aaniilonga mehangano ndika ya kwathele aayambidhidhi yawo naamboka haya tala Otiivii nohole osho wo nombili.

Okwa ti aaniilonga oyendji yomoombelewa oyena egamo lyoku  ngwandjagula aantu no inaa hala shika shi holoke moombelewa ndhika.

Multichoice ehangano lyokutuma oopolohalama dho Tiivii mombepo kohi yiitopolwa yalyo iyali yo DSTV nosho wo GO TV.

Oya kala nee haya longele pehala lyoositola dhOshana Mall ihe ngashingeyi oya mona ehala lyaandjuka lili pehala lyomalandithilo poMarura Mall.

Omukuluntu omunene gwehangano ndika Roger Gertze okwa ti shika osho enyanyu enene oku kala ehangano ndika li na oombonge monooli yoshilongo unene mOngwediva moka ya kwathele mo nale oosikola dhili ngashingeyi omilongo 70.

Okwa ti oosikola ndhika ngashingeyi otadhi kwathelwa niikwa niipangitho yopa tiivii miilonga yadho yesiku kehe.

 

LEAVE A REPLY

Please enter your comment!
Please enter your name here