Oosipana dhoFirst Division odha tegelela etameko lyoliha

0
143
Osipana yoKK ndjoka hayi dhana moFirst Division yimwe yomoosipana dha gumwa koshikumungu shokatanga koompadhi hoka inaa ka tameka natango.

ONGWEDIVA-Sho omwedhi Kotoba guli poku ka dhilongela yo nomvula masiku ya yi aadhani mboka haya dhana mooliha dhayooloka moshilongo oya ligamena koshipala shoNFA ya tale ngele ota kuzi eyamukulo ewaanawa.

Ashike omugandjimayele gwoliha yoFirst Division koNooli okwa ti sigo okeluwa ndika kapuna esiku naanaa lyothaatha andola lya tothwamo moka omo ooliha tadhi ka tameka.

Okwa ti ota shi kakala oshidhigu ngele oliha ndjika ina yi tameka oshoka olwindji oliha ndjika ohayi adhikwa nale yi li metifa mokati kaNovemba ashike monkalo ndjika okatanga kokoompadhi keli otayi limbilike.

Oyendji yomaadhani mboka ya li ya yi moonkundathana naKundana oya li ye shi eta puuyelele kutya oonkalamwenyo dhawo odha gumwa nayi koshikumungu shika oshoka oyendji kayena iilonga na oye li ashike haya longo mokudhana okatanga.

Omudhani ngoka ina hala edhina lye lyapita moshifo okwa ti ngele oshikumungu shokatanga kokoomapdhi inashi longwa nasho nena otwa tegelela omwaalu ogundji gwaagundjuka gu kale ta gu longitha nayi omalovu niingangamithi oshoka ezaza nalyo ota li ti ndeya.

Omupresitende gwoNFA Frans Mbidi oshiwike shaziko okwa li a gandja etimwaumbile kutya ooliha dhopevi ota dhi ka tameka mbala ashike ina gandja esiku.

Okwa ti ooliha ndhika oha dhi pewa oshimaliwa kuNFA onkene ita dhi vulu oku katekwa kuNPL .

Nando ongawo ooliha ndhika ngele odha tameke uudhano wadho ota wu ka kala waafele oshoka oosipana ndhoka tadhi ka sindana itadhi ka vula okuya k o NPL na otadhi ka nambela ashike mpoka dha tuka.

 

LEAVE A REPLY

Please enter your comment!
Please enter your name here