Taya kalekepo iidhano yopamuthigululwakalo

0
159
Ongundu yomithigululwakalo ya Gwa Namupala posikola pOluno pamwe nomudheuli nomutotipo gwayo Ottilie Nambahu.

 

OLUNO  – Ongundu yuudhano womithigululwakalo posikola pOluno ndjoka hayi ithanwa GwaNamupala, otayi longo nuudhiginini okukalekapo omithigululwakalo, mwa kwatelwa iiyimbo niidhano yopahedhi.

GwaNamupala ongundu ya lukilwa omukokele nomutotipo gondoolopa yOluno, naandjika oya thikamapo maanaskola posikola yopevi yaLuno, nolundji ohayi kutha ombinga muudhano wopamuthigululwakalo.

Ongundu ndjika oyili mewiliko lyomulongi Ottilie Nambahu noye omudheuli gwayo. Ohayi mwenyeke poompito odhindji. Nambahu ta ti GwaNamupala oha kalelepo osikola yawo kehe omumvo momathigathano giidhano yomuthigululwakalo pamuthika goshikandjohogololo, nolundji ota ti ohaye shi pondola okuya pashitopolwa woo.

Nambahu ngoka eli woo omunongeki goondondo dhopevi  posikola ndjoka okwa yelitha kutya oku uvite unene etumba nuuntsa molwa uunongo mboka ena okuza keshito nokwa tokola opo ewu taandelithe kokanona okaNamibia kehe, hoka taka vulu okudhana noku imba iidhano yopamuthigululwakalo.

“Omuthigululwakalo ogo oshinima sha simana moshigwana kehe, onkene osha pumbiwa opo aanona peputuko lyawo ya longwe omithigululwakalo nomidhi dhi kale dha koka muyo, opo dhaa dhikukemo nuupu, iidhano yopamuthigululwakalo ohayi mwenyeke nolundji ohayi shambula uuna omuntu a pulakena ,” Nambahu ta ti.

Omuwiliki nguka ota thaneke andola ku talululwe omusindalongo gwelongo lyokanona okaNamibia opo mu go mu etwe nenge mu gwe dhwe oshilongwa hashi ithanwa Cultural Heritage, ta ti sho shi kale hashi holoka moonzapo dhaanona ngaashi iilongwa iikwawo yooPhysical Education nosho tuu.

“ Nonando omusindalongo ngoka tuna pethimbo ndika  tatu longitha tamu adhika okatopolwa  komithigululwakalo, otu wete kutya inashi gwanena otwa pumbwa oshilongwa shi ithikamena po ku sho shene. Aavali oyendji omadhiladhilo ngaka oye ga uviteko noya hala oshilongwa shi holoke moonzapo,” Omudheuli ta gwedhapo ngaaka.

Ta holola enyanyu lye omolwa aavali naanona yi itulamo miidhano mbyoka yomithigululwakalo, ta holola woo eyeme lye kombinga yimwe molwa aavali yawo mboka haya indike aanona yawo okukutha ombinga momaudhano, nonande yena ontseyo nuunongo mokunyanda nokudhana.

Nambahu ta ti oshiwanawa aanona ya longwe omithigululwakalo poomvula dhopetameko, ta indile epangelo ndyoka lya gamena uuthemba wokanona okaNamibia, li talulule nawa opo okanona ka vule okulongwa oonkuluhedhi pwaana engongoto nehilathano.

 

 

LEAVE A REPLY

Please enter your comment!
Please enter your name here