Uudhano woongonyo mOshakati ehuliloshiwike ndika

0
184

OSHAKATI-Aakalimo yomOshakati niitopolwa yopuushiinda otaya ka nyanyudhwa nuudhano waa dhani mboka haya umbu nawa uuhandja ehuliloshiwike ndika.

Oklaba yuudhengingonyo yaKilimanjaro Boxing Promotions omumvo kehe ohayi longekidha omalugodhi goongonyo , onkene nonuumvo uudhano mbuka otau ningilwa pehalandjandja lyoMvula Complex mOshakati.

Omukwateli komeho guudhano mbuka Joseph Benhard ye oye mwene gwoKilimanjaro Boxing Club okwa ti oya tegelela ooKalaba dhaza miitopolwa ayihe yokolundume opo dhi ka kuthe ombinga muudhano mbuka ta wu ka dhanenwa pehalandjandja lyoongeshefa dha Erastus Mvula.

“Aadhengingonyo mboka taya ka kutha ombinga muudhano mbuka na yakale  iilyo yooKalaba dhuuDhengingonyo muumbangalantu na otaya tegelelwa ya ka kondje moondjundo dhawo, Benahard a indile noku kumika.

Kilimanjaro ota longo omutenya nuusiku opo a ete ondondo yomaudhano ngaka guudhengingonyo pomuthika guuyuni.

Benhard okwa tseyitha wo nenyayu a ti otaya nkundathana nelelo lyondoolopa yaShikuku moka wo nayo ya hala okukwathela muudhano woongonyo.

Benhard okwa pandula aanangeshefa osho wo omahangano goohandimwe sho taya no taga kwathele shili okuyambulapo omaudhano moshilongo.

Oshiputudhilo shika shoku dheula mboka haya dhenge oongonyo ota shi longo shaana ezimbuko no sho wo  omutenya nuusiku okukwathela aagundjuka  opo ya adhe oondjodhi dhawo.

 

LEAVE A REPLY

Please enter your comment!
Please enter your name here