Va pewa omapapa poHelen Van Rhijn mokulihonga nawa

0
188
Ovalongwa ovo va mona omapapa eshi veshi endifa nawa momukokomoko womudo mondondo onhi 7 po Primafikola Helen Van Rhijn mo Lüderitz.      

Lüderitz – Ovanafikola ovo veshi endifa nawa momukokomoko wodula poPrimafikola yaHelen Van Rhijn mo Lüderitz ova pelwe omapapa avo mehuliloshivike poSaala Turnhalle, modoolopa yokumunghulo futa.

Ovahongi nova nafikola ovo va tofwamo oshoyo ovadali ova holoka momwaalu munene, va kale eendombwedi pe yandjo lomapapa.

Ovanafikola ovo ve shi endifa nawa momukokomoko wodula ovali vapewa eedjapo, oshoyo omakopi, nomaano oku dilila komahangano ovanangeshefa vomoLüderitz.

Ova pewa omapapa she likolelela kwaasho  va endifa nawa. Omulongwa mondodo 6 Hilma Itula oye a mona epapa eshi oye  omukainhu dingi momaudano. Itula okwa hokololwa euya wotete moudano woku tondoka oshinhano sho 1 000m, 800m, noshoyo oshinano sho 200m mefiyafano leefikola domomudingonoko.

Itula okweya yoo wotete mokutondoka oshinhano sho1000m moudano weefikola pa shitopolwa, teya omutitatu mokutondoka oshinhano sho 200m poudano weefikola womoshilongo, yee okuli yoo hadana etanga lonetball kofikola.

Silvanus Andapo oye a pewa epapa eshi oye a tofwamo omulumenhu dingi momaudano. Andapo okwa hokololwa eya wotete moudano woku tondoka oshinhano 100m, no 200m. Okweya yoo wotete mokunhuka enha, oshoyo omhani, mefiyafano leefikola do mo mudingonoko. Andapo oye wo omutivali mokunhuka enha pafiyafano leefikola pashitopolwa, nokuliyoo hadana oudano wo Rugby pofikola. Okuli omulongwa mondodo 6.

Sem Hendricks okwa pewa epapa eshi, eshi endifa nawa mo ku xwepopeka elihongo laye,  momukokomoko womudo.

Mia-Angel Isaaks oye a mona epapa lomuhongwa dingi mo Lower Primary, omanga Abed Ndili Abraham oye a mona epapa lomuhongwa dingi mo Upper Primary.

 

LEAVE A REPLY

Please enter your comment!
Please enter your name here