Ya ti po hwepo

0
164

ONGWEDIVA-Aakwashigwana yaChina mboka yali ya tsuwa noombele noku dhengagulwa koombudhi oye li monkalo ombwaanawa na oya aluka kiishaho mbyoka.

Aachiina mbaka okwa li ya dhengwa konyala ya se na okwali ya taambelwa moshipangelo shaShakati moka yali itaa ya popi nokupopya ihe ngashingeyi onkali yawo oyili nawa.

Omupevi popiliko  gwopolisi mOmusati Shisande Anna Kunga okwa koleke onkalo yaaChina mbaka ta ti kutya oyeli monkalo ohwepo na otaya popi ngashingeyi.

Kunga okwa ti mbaka yaali oy adhika ya kotha sho oongangala dha teya omiyelo nokuya mondunda moka yali ya lala.

Okwa ti aaChina mbaka oya li haya lala pondunda yawo yomalandithilo moka haya landitha iipeleki.

Oshiningwanima shika oshali sha ningilwa mondoolopa yaKahao mOngandjera moshitopolwa shaMusati oshiwike sha ziko sho aniwa ombudhi dha ponokele mboka ya popiwa pombanda okuya kutha iimaliwa yawo noshowo iimaliwa yokongodhi.

Ihe aalumentu mbaka ya ne okwali ya mangwa kaakwashigwana noshowo kaapolisi kwa gwedhwa woo omukiintu omuniilonga nomumati gwe.

Okwa hokololwa kutya aaChiina mbaka omusamane nomukulukadhi gwe  okwa li ya lala ya kotha sho ookalyamupombo yi iteele mondunda yawo yena ondhimbo nondjembo taya pula iimaliwa eta yamatuka po ihe okwa li ya kwatwa.

Mbaka yahamano ayehe oyali ye edhililwa mondholongo moKahao nokwali ya holoka mompangu ya Mangestrata mOkahao.Oya tindilwa okwi ifutilamo noshipotha shawo osha undulilwa komilongo 29 gaDesemba nuumvo omanga omakonakono gopolisi taga tsikile.

LEAVE A REPLY

Please enter your comment!
Please enter your name here