Aadhani yena uulema ya sindana oshindji

0
172
Aadhani yena uulema ya sindana oshindji

 

Olye a ti eidhidhimiko ihali eta oshindji, omumatuki gwiinano iile Beata Naigambo oye omusindani gwepapa lyo MTC lyomudhani dhingi Omukiintu  komumvo nuumvo.Naigambo okwa toola po epapa ndika poshiithanene shoku gandja omapole kaadhani yaNamibia sha ningililwe moVenduka pehulilo lyaKotoba.

Naigambo ngoka a tondoka iinano iile omimvo odhindji okwa pewa epapa ndika omolwiilonga ye yoku matuka moSpain moka a li a mono ehala lyotango noku pewa oshingoli. Uudhano mboka owo wali we mu pititha opo a ka kuthe ombinga muudhano wOlympika koRio sha Brazil.

Naigambo okwa thigipo aakondjthi ye mompito ndjika moka mwakwatelwa omuumbi gwondjembo Gaby Ahrens na Vera Adrian omukayili gwokafalata.

Omanga omudhani omukwawo Rudolph Moolman okwa pewa epapa lyomulumentu dhingi muudhano komumvo komeho gomudhengingonyo Paulus The Rock Ambunda osho wo omutondoki gwoshinano oshile Mynhardt Kauanivi.

Poshiithanene shoka sha li tashi pangelwa komasindano gaadhani yena uulema, Ananias Shikongo oye omutaambi gwepapa lyomudhani dhingi ena uulema  hali gandjwa ku Nampower, mokategoli haka oya li mo naadhani aanuulema ngaashi Johannes Nambala na Ruben Soroseb.

Johanna Benson kali nuudhigu oku ulikwa  ishewe omudhani dhingi omukiintu ena uulema ongulohi ndjoka sho a dhengemo aadhani ooyakwawo yoo Rosa Mandjoro, ye Lahja Omagano Ishitile ta pewa epapa lyomudhani dhingi omukiitntu omushona ena uulema.

Delamo Muller okwa ulikwa oye omudhani dhingi omushona  omulumentu ngoka ha dhana obokisa yokuthanga.Okwa thigipo aathigathanipo naye ngaaashi Hebert Peters omukayili gwombasikela osho wo omudhani gokarate Burger Rowan.Ye omudhani dhingi omukiintu omushona  komumvo oye Mayonne Swarts ha dhana okarate. Ngaashi sha kala sha tegelelwa ospana yo aflosa yaalumentu ya Namibia oyo ya yi nepapa lyaNBL lyospana yokomumvo ya thigipo ospana yorugby yopashigwana osho wo ndjoka yopashigwana yokriketa yaakuluntu. Ye Michael Hamukwaya omulumentu gworasta okwa pewa epapa lyomudheuli dhingi lyoCoca Cola, Abes Hafyenanye okwa pewa epapa lyomudhani omushona ena uulema. Etanga lyokoompadhi ina li dhimbiwa  sho omuhiki hiya Jakcson Pavaza a mono epapa lyuuhikihiya komumvo.

Nando oshiithanene oshali nawa, ope na yamwe ya ka nyenyeta ngiika sho mbaka, shoka yo ya li ya hala inaashi ningwa. Ngaashi omutoolinkunda gomaudhano Helge Schutz ngoka a nyenyeta kutya okuwete ospana yopashigwana  yo kriketa oyo yali yina okusindana sha .Ihe pahapu dhomunashipundi gwomalongekidho ngaka ,Lesley Tjiueza ospana ndjika oya li ya thigala po methigano noku ya pehala  etiheyali, nayo ina ya vula okusindana sha konima yomasindano ngoka ndjika ya monene nuumvo.

LEAVE A REPLY

Please enter your comment!
Please enter your name here