Aalongi monooli ya pandula NANTU

0
192
Aalongi ya pulakena nawa pethimbo lyoshigongi shawo mOshakati oshiwike shayi

 

OSHAKATI – Etine lyoshiwike sha ziko aalongi miitopolwa ayihe yomonooli yoshilongo, oya li ya gongala poshiithanene showina konima sho epangelo nehangano lyaaniilonga ndyoka lyeya kalelapo lyoNANTU ya adha etsokumwe uvathano.

Oshigongi shika shegandjo lyomauyelele oshali sha ningilwa mOshakati , nengathithi lyaalongi osho wo aakalelipo yoNANTU miitopolwa ayihe mbyoka ine  oyali  holoka yo taya kundathana.

Aalongi oya li yena omukanda ngoka gwa shainwa kaakalelipo yoNANTU, yiitopolwa ayihe ine (Oshikoto,Ohangwena,Omusati nOshana). Oya gandja epandulo lyawo koNANTU, sho ya adha etsokumwe uvathano naasho ya wayimine aalongi mekanka lyawo noku kandulapo omukundu ngoka gwa li po mbala.

“Otwa gongala mpaka okugandja omapandulo getu ga shewa, otwa hala woo okupandula Omupresidente Hage Geingob, ngono a yi mo oonyala moshikumungu shetu shoondjambi no twa yamukulwa mbala, tse tu wa pe tu shune komanongelo getu,” Gumwe gwomaalongi ati.

Omukalelipo goNANTU moshitopolwa shaShikoto Tomas Niilonga okwa li a yelitha pamushangwa ngoka kutya nonande taya gandja omapandulo, kombinga yimwe oyena omitse dhili koothingo omolwa omapopyo omawinayi ngoka ya ulwa kOminista yElongo pethimbo yali mekanka.

Omushangwa ngoka otagu holola kutya melongo itamu ka kala omalunduluko ngele Minista yElongo pethimbo ndika Katrina Hanse-Himarwa ina lundululwapo. Oya pula wo Himarwa a lundululwe ye a tulwe kuuminiteli wumwe, oshoka oye wete kutya koshikondo shelongo kena sho  ta vuluko, omanga anuwa ta ula aalongi omalaka omadhigu.

Aalongi poshiithanene shawo shoka showina oya pula Omupresidende a kundathane na Minista gwelongo, ye emu tseyithile kutya omapopyo nomatilitho ngoka a kala ta ningile aalongi pethimbo lyekanka ka gena uuyuuki.

Taya pula Himarwa a kale a gandja ombili nziya, ye aye koongolo yo ombili yi kalepo pokati ke naalongi, mboka taya ti Minista gwawo okweya uvitha nayi noonkondo.

Niilonga ta gandja ekunkilo kaalongi oshowo yalwe ya yande okushanga nokunyola iinima inaayi ukilako komalungula unene ngaashi koFacebook, nongele oye wete kutya opuna mpoka pwa pumbwa omalunduluko naya landule omilandu ndhoka dhi li po, yo ya kalekepo ombili ndjoka tayi lalakanenwa moshilongo.

 

LEAVE A REPLY

Please enter your comment!
Please enter your name here