Ayihe oya longekidhwa okudhana oshituthi shoongalo dhoJazz

0
151
Aahikingalo mboka taya ka kwatela oshituthi shika komeho Nathi Makhanyi, Caiphus Semenya na Letta Mbulu Olyomakaya pokapale ka Dr Hage Geingob Rugby Stadium.

 

Windhoek

Esiku lyokudhana oshituthi shokomumvo shoongalo dhoJazz nuumvo osho lya thikana. Nuumvo oshituthi shika otashi ka dhanwa olyOmakaya ndjika pokapale koRugby kaHage Geingob moshilando.

Aalongekidhi yoshiindingili shika oya holola kutya ayihe oyili pomahala, noya tegelela ashike esiku lyi thikane.

“Oshigwana nashi kale sha tala esiku ndika ongo lyeyinyanyudho noku holola omaiyuvo gawo, oku kala ya nyanyudhwa kaahikingalo aaNamibia mboka ta ya ka mwenyeka ngaashi Big Ben, Fu Jazz Band, Suzy Eises, Swingers Jazz Band naChikune,” omupopiliko gwoshilando sha Venduka, Lydia Amutenya ta ti.

Nuumvo oshituthi shika otashi ka kwatelwa komeho kaahikingalo aaSouth Africa ngaashi Nathi Mankayi, Caiphus Semenya naLetta Mbulu. Aahikingalo ooyakwawo yopondje yoshilongo ongaashi Roman naJulian Wassefur okuza koGermany naElisa Rodrigues okuza moPortugal.

Amutenya okwa gwedha po ta ti aaholi yoshituthi shika inaya pitikwa nando ya etelele iinima mbyoka ya nika oshiponga ngaashi iilwitho, oombwa, nenge iikulya niikunwa yawo yene.

Okwa gwedha po ta ti oshituthi osha longekidhwa nawa, nomahangano gokugamena aakwashigwana oga longekidhwa nawa

Omiyelo otadhi ka patuluka pondatu yomutenya, nuutekete ota wu landithwa oshilongo ashihe ko Computickets koodola dha Namibia N$250.

 

 

 

LEAVE A REPLY

Please enter your comment!
Please enter your name here