Dacosta methigathano lyaalumentu lyoUniverse International

0
201
Dacosta ngoka ta pula komeho ngele tashiya mosheendo shaalumentu.

 

Omulumentu gwoomvula dhopokati a tseyika nawa ongomuendi dhingi kaalumentu, gwedhina Talah “Dacosta” Hashipala, okwa mono ompito ombwaanawa sho a hogololwa okuza moshilongo a ka kalele po Namibia, medhingoloko etiyali lyethigathano lyaalumentu lyo Universe International pehulilo lyomvula ndjika.

Edhingoloko ndika okwa tseyithwa tali ka kala lya ningilwa moshilandopangelo sha Nicaragua Managua momasiku 27 Deseemba  sigo omesiku lyotango lya Januali 2017.

Dacosta oye omulumentu ngoka eli omutidhi, no ha kambadhala aluhe okutidha ondjodhi ye opo yi ninge yoshili.

“Kapena shoka tashi imbindje opo ndika kale inee kutha ombinga methigathano ndika, naashika otashi ti ompito onene ku ngaye, nondi  uvite uugumbo nuunambano koshinima shika,” Dacosta a notheleko aaholi naalanduli ye ngaaka.

Ethigathano ndika kaalumentu lyo Universe International olya totwa po nelalakano oku taandelitha omithigululwakalo nuunkungulu, okuza kiilongo ya yoolokathana. Omusindani medhiingoloko ndika ota ka sindana oshipandi sha kola sha adha poondola 42 000 momwaalu gwomoshilongo, ye ota ka mona ishewe ompito ombwaanawa yoku enda noku talela po iilongo ya adha po 16 kehogololo lye yemwene.

Ngashingeyi Dacosta ota kongo ekwatho opo a kale a mona ngoka te mu kwathele oshimaliwa shoku landa oka tekete kondhila opo a ka kale a ya kethigathano ndyoka,

 

 

LEAVE A REPLY

Please enter your comment!
Please enter your name here