Divine Sky mehangano lyoongalo

0
204
Divine Sky onkene ta imbi ye ita sholola, ngashingeyi okwa pititha po ishewe okangalo ke kamwe kedhina Me&Jesus

 

Okakadhona komimvo 21 haka imbi omaimbilo gOpambepo moshilandopangelo kedhina, Tuyeni Gotlieb, ka tseyika nawa moongalo onga Divine Sky, onkene taka imbi ko ita kasholola.

Pinehas Nakaziko okwa tsakanene naDivine Sky nokupula shoka iipyakidhila nasho okuuka pethimbo lyOmatango Omanene na ota kundaneke ngeyi.

Divine Sky okwa li a pititha okavidio ko kangalo ke hoka okapeepeka ka imbwa mOshiwambo kedhina Me&Jesus, oshiwike sha piti, hoka kathaanekwa ku David Grand moshilando.

Okangalo haka ka imbwa nelaka etoye ota ka popi nkene Divine Sky a tokola opo a kale pamwe na Jesus.

Shika osha landula ishewe sho Divine Sky a li a pititha okavidio ke kotango kedhina Why, muMei nuumvo, moka ali a imbi kombinga yomadhipago ngoka ta ga ningilwa oomeme.  Nonando ongawo, Divine Sky okwa ti ye okuza ashike kuunona we okwa kala ena ohokwe yoongalo dhoGospel, oshoka okwa kokela megumbo ndyoka lihole uukriste  nongeleka noonkondo.

“Ngame mwene ondi hole Jesus, nondi hole oku ulikila oshigwana nkene a simana ku ngame, tashi pitile momaimbilo gandje,” Divine Sky ta ti ngaaka, ye ta gwedha po ishewe nokutya ye okwa kutha oshiholelwa oshiwanawa shoku imba omaimbilo gopambepo oku za ku yina.

Divine Sky okwa li a tameke oku imba manga ali ha hiti oosikola dhoSoondaha, nokuza mpoka okwa kala noku talela po oostudio opo a tameke noku longa noalubuma ye. “Onda kala noku tala nkene aahikingalo haya etapo omaimbilo gawo, nonando okwa li ndishi oshinima oshidhigu,” Divine ta ti ngaaka.

Eimbilo lye lyotango He lift you up, ndyoka tali ti ye okwe ku humbata po. Nonando ongaawo, Divine okwa ti, oku na ohokwe onene yoku imba, no ku uka komeho. Sigo oompaka okuna omaimbilo gatano ngoka taga inyenge nawa komapandja go intaneta.

 

 

 

 

 

 

 

LEAVE A REPLY

Please enter your comment!
Please enter your name here