Euliko lyuuzalomwa uushona waKaxuxwena lye enda nawa

0
134

 

Windhoek

Okakadhona hoka okashona moku enda meni nopondje yoshilongo, Meriam Kaxuxwena, 24, osho ka ulike oshiluku shako oshitiyali shuuzalomwa uushona wokohi, po Nampower Convention Centre, Olyomakaya ya piti.

Ongulohi ndjika ya li ye ende nawa ku Kaxuxwena oyali konyala ya holola engathithi lyaatali mboka yehole iizalomwa ye lwopaantu 300, mwakwatelwa Ominista gUushitwe nOmudhingoloko, Pohamba Shifeta.

Kaxuxwena okwa li a longitha uukadhona woku enda wa adha 12, mboka wa li tau ulike uuzalomwa we, mwa kwatela hoka ke shiwike nawa pondje yoshilongo kedhina Lilian, okuza moLondon.

Omaludhi guuzalomwa mbuka ga adha pu gatano gena olupe lwo shi Brazil nomalwaala ga yoolokathana ogali ga ulikwa, no kwa li ta ga monika unene nawa noonkondo.

Uusiku mbuka opwali ta pu ti pwaka, oshoka kakele ashike keuliko lyuuzalomwa mbuka opwa li ishewe aahikingalo aaNambia taya ulike uunongo wawo ngaashi Sunny Boy, Sally na Young T, mwakwatelwa ishewe ongundu yuukadhona wuli uyali uundaanisi okuza kehangano lyoShe Glow Talent Agency.

Ongulohi ndjika oyo ishewe yali ya mono Kaxuxwena ta dhana evalo lye pamwe neuliko lyuupendi we.

Ngashingeyi Kaxuxwena okwa holola ta ti ye ota ka tameka oku ulika uuzalomwa we uushona pondje yoshilongo, opo a kale amona omwaalu ogundji kwaamboka ya hala oku ilandela uuzalomwa wawo.

Nonando ongaaka, Kaxuxwena okwa tseyithile engathithi ndyoka lyali lya holoka kutya ye ota ka patulula ongeshefa ye yoku landitha uuzalomwa mbuka po Khomasdal Groove Mall okuza mpehulilo lyomwedhi nguka.

LEAVE A REPLY

Please enter your comment!
Please enter your name here