Olukolo Primary enyakwa muudhano waShinime

0
171

ONDANGWA-Shinime Shiimvula ina vula we oku kaleka ekopi lye megumbo konima sho Olukolo Primary lwa li lwe ende ongula noku yakulapo ekopi lyokatanga kokoompadhi.

Olukolo olwa li lwa dhana shithike pamwe mokapale nOlukonda Primary 0-0 na oya li ya sindana koopelenti 1-0.

Olukolo Primary olwa li lwa toolapo ekopi nokapandi koodola 700, omanga Olukonda Primary lwa li lwa toolapo okapandi ko 500, omanga Ompandakani Combined school ya li ya toolapo 400.

International Primary School yokOngwediva oyo enyakwa lyoNetball moka ya li ya dhenge Ompandakani Combined School 15-14 medhingoloko lya hugunina lyuudhano mbuka nokutoolapo okapandi koodola 450, omanga Ompandakani ndjoka ya gwile pehala etiyali ya pewa 350, ye Akuniihole teya pehala etitatu moka ali a pewa okapandi ko 300.

Shinime okwa li a tula onkone ye moCricket moka a li a tyakaleke oosikola oonkwawo, na okwa li a toolapo ekopi noombandi nokapandi koodola 450, Outjo Development Team oya li ye ya pehala etiyali moka ya li ya pewa 350.

International Primary School oya li ya toolapo ehala etitatu moka ya li ya hekelekwa noodola 300.

Uudhano mbuka oha wu kalako omvula kehe na ohawu unganekwa kosikola yaShinime mOndangwa na ohawu dhanwa ashike kuunona womimvo dhili kohi yomulongo nantano na ohawu kwatelwa komeho kuJohnny Martin “Whiteman”.

 

LEAVE A REPLY

Please enter your comment!
Please enter your name here