Omzola nondjodhi yoku yambulapo oongalo

0
156

ONDANGWA – Omuhikingalo a tseyika nawa moshilongo ota lalakanene okuyambulapo oongalo moshilongo. Hafeni Kamwandi ngoka a tseyika nawa koyendji Omzola okwa ti oku uvite etumba noku na enyanyu okukala gumwe gwomaahikingalo aaNamibia.

Omzola omumati goomvula dhopokati, okwa valelwa mOmpundja. Ta ti okwa tameka okuhika oongalo mo 2011, konima sho a mono ena oshipewa shokwiimba nokwa kala aluhe ena ohokwe yokupititha ongalo ye yotango.

Ta ti okwa kala ena ompumbwe yoshimaliwa opo a pitithe oalbuma ye yotango, omuhikingalo nguka ta ti kashishi oshipu oku kala omuhikingalo oshoka omuna omashongo ogendji. Omzola okwa dhenge omuthindo mpoka  kutya uuwanawa ihawu zi pokapala ka yela owuna okukondja sigo wa sindana.“Ngame mwene meputuko lyandje onda kala nda hala oku ninga omuhikingalo, ashike inandi mona ompito nondjila ndjoka ndina okulandula petameko, ookuume kandje oyali ya kumike ndje  noku lombwelandje ndi tameke ongo tandi idheula ngame ndi tale ngele tandi shi pondola,” Omzola ta ti.

“Nonande nda kala ndina uunyengwi onde ke shi pondola , sho nda mona omakwatho no nda pititha oalbuma yandje yotango mo2013, ndjoka tayi ithanwa efimbo ta liya, onda pititha woo oalbuma ontiyali omumvo gwa ziko tayi ithanwa ondjokonona,’ Omzola ta gwedhapo.

Omzola olundji oha kala uuvite etumba molwashoka otaya longele kumwe naahikingalo ooyakwawo , ya yambulepo ehangano lyaahikingalo moshilongo yo aaNamibia otaya ulike ohokwe yawo mokuhumithakomeho oongalo daaNamibia.

Moongalo dhe okwa kwathelwa kaahikingalo ngaashi DJ Namupala, Channu, Deu noyendji. Ta ti aahikingalo oyena elongelokumwe ewaanawa. Oongalo dhe ohadhi uvika ngaashi koRadio yOshiwambo (NBC), Omulunga radio.

Omzola ta gwedhapo kutya ota pandula Kalunga  ngoka e mu pa uunongo , opo a vule a ulike oshipewa she, ta ti ota tsikile nokugandja etumwalaka moshigwana naangoka ta vulu oku kutha mo sha ta kutha mo.

Pethimbo ndika Omzola okwa pititha okangalo opo kazi moshipakete, hono taki ithanwa Harambee.  Okwi ipyakidhila noku longekidha oalbuma ye ontitatu ndjoka ta ti otayi kala ya pita petameko lyomvula ta yiya. Ta pula aahikingalo ya longele kumwe yo ya yambulepo ehangano lyaahikingalo.

 

 

LEAVE A REPLY

Please enter your comment!
Please enter your name here