Ongwediva town Council enyakwa muudhano wokoShooko

0
236
Osipana yOngwediva Town Council ndjoka yi li enyakwa mokatanga komokambamba.

OSHOOKO-Osipana yokatanga komokambamaba yOngwediva town Council oya li ya toolapo ekopi lyuudhano wokomumvo mboka ha wu unganekwa ku mwene gwomukunda Oshooko tate Ikolelela Ekandjo.

Osipana ya town council oya li ya tyakaleke oosipana ookwawo noku toolapo ehala lyotango muudhano mbuka, Emono olya li lyeya pehala etiyali omanga Omukunda Oshooko gwa li gwa toolapo ehala etitatu.

Uudhano wokatanga kokoompadhi mboka wali wa kwata miiti ina wu vula oku pwa muule wehuuliloshiwike lyazako oshoka oosipana odha li dha holoka momiyalu odhindji.

Oosipana ndhoka dhe shi pondola okuya kedhingoloko lya landula ongaashi, New Start FC, Okamwandi FC, Kapz & Joram Group FC, Okau FC, Amakhosi FC na General Holo FC.

Oosipana ndhika odha tegelelwa dhi ka tsikile nomadhingoloko gahupako moka esiku ta li ka tseyithwa kuyele.

Mwene gwomukunda nguka tate Ikolelela Ekandjo okwa li a holola okuuva nawa kwe sho aagundjuka ya li ya holoka momiyalu ominene pomaudhano ngaka ongele oosipana dha li dha kutha ombinga nenge oomboka ya li ya holoka oku tala omaudhano tati omiyalu ndhika odha li dha pe uudhano mbuka esindano enene.

Ota kombo kombunda omahangano ngoka ga li ga kutha ombinga mokukwashilipaleka uudhano mbuka ngaashi Dedex bar, Pennypinchers,YAP Gym, Mavinga Lodge,Remind Enterpriese, Oshakati Spar,Oshakati Cymot, Cool Master,Dr Kalangula, Auto Mech,Jojo Trading,OTB Sport,UZO tech, Mrs Maria, SABCO Oshakati, na Mr Shimoshili.

Uudhano womvula ndjika owal ukilwa Mr Shimoshili molwa uupendafule mboka a ulika sho eli a kwathela oosipana odhindji dhomomikunda niizalomwa yomawudhano.

Omukunda Oshooko ogulu ookilometa ntano muumbangalantu wodoolopa yaShakati gu li pooha dhondjila ya thinda kOshikuku.

 

 

LEAVE A REPLY

Please enter your comment!
Please enter your name here